ഫാഷൻ ഡിസൈനിങ് പരിശീലനത്തിന് തുടക്കം
മാവൂർ:
വെസ്റ്റ് ഹിൽ ഗവ. പോളിടെക്നിക്കും മാവൂർ ഗ്രാമ പഞ്ചായത്തും ചേർന്ന് വനിതകൾക്ക് നൽകുന്ന ഫാഷൻ ഡിസൈനിങ് പരിശീലനത്തിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് ടി. രഞ്ജിത് നിർവഹിച്ചു. വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ടി.ടി. അബ്ദുൽ ഖാദർ അധ്യക്ഷത വഹിച്ചു. വൈസ് പ്രസിഡന്റ് ജയശ്രീ ദിവ്യപ്രകാശ്, പോളിടെക്നിക് സൂപ്രണ്ട് ബാബുരാജ്. സ്റ്റാൻഡിങ് കമ്മിറ്റി അധ്യക്ഷരായ കെ.എം. അപ്പുകുഞ്ഞൻ, ശുഭ ശൈലേന്ദ്രൻ, അംഗങ്ങളായ എം.പി. അബ്ദുൽ കരീം, എ.പി. മോഹൻദാസ്, ഗീതാമണി, കെ. ഉണ്ണികൃഷ്ണൻ, ഫാത്തിമ ഉണിക്കൂർ, ശ്രീജ ആറ്റാഞ്ചേരി മീത്തൽ, ഗീത കാവിൽപുറായിൽ, രജിത, എന്നിവർ സംസാരിച്ചു. ഗ്രാമ പഞ്ചായത്ത് അംഗം പി. ഉമ്മർ മാസ്റ്റർ സ്വാഗതവും ലൗലി ടീച്ചർ നന്ദിയും പറഞ്ഞു.
