കാലവർഷം ശക്തമാകുന്നു; വിവിധ ജില്ലകളില്‍ ഇന്ന് റെഡ് അലര്‍ട്ട്
തിരുവനന്തപുരം: സംസ്ഥാനത്ത് കാലവർഷം ശക്തമാകുന്നു. 20 സെമിയിൽ കൂടുതൽ മഴയ്ക്ക് സാധ്യതയുളള ഇടുക്കി, മലപ്പുറം ജില്ലകളിൽ ഇന്ന് റെഡ് അലർട്ട് പ്രഖ്യാപിച്ചു. എറണാകുളം കോഴിക്കോട്,കണ്ണൂർ ജില്ലകളിൽ ഇന്ന് ഓറഞ്ച് അലർട്ടുണ്ട്. സംസ്ഥാനത്ത് പരക്കെ കടുത്ത മഴക്കാണ് ഇന്ന് സാധ്യതയുള്ളത്.
തിരുവന്തപുരം,കൊല്ലം, പത്തനംതിട്ട, ആലപ്പുഴ,കോട്ടയം, തൃശ്ശൂർ,പാലക്കാട്‌, വയനാട്, കാസർഗോഡ് ജില്ലകളിൽ യെല്ലോ അലർട്ടു പ്രഖ്യാപിച്ചിട്ടുണ്ട്. ദുരന്ത സാധ്യതാമേഖലയിൽ താമസിക്കുന്നവർ മാറിത്താമസിക്കണമെന്നും മലയോര,തീരദേശമേഖലകളിലേക്കുളള വിനോദസഞ്ചാരം ഒഴിവാക്കണമെന്നും ദുരന്ത നിവാരണ അതോറിട്ടി മുന്നറിയിപ്പ് നൽകി
