മടവൂർ കുടുംബാരോഗ്യ കേന്ദ്രം വാക്സിനേഷൻ റൂം ശീതീകരിച്ചു നൽകി

മടവൂർ കുടുംബാരോഗ്യ കേന്ദ്രം വാക്സിനേഷൻ റൂം ശീതീകരിച്ചു നൽകി

മടവൂർ :

 മടവൂർ പഞ്ചായത്ത് കുടുംബാരോഗ്യ കേന്ദ്രത്തിലെ വാക്സിനേഷൻ റൂമിന്റെ നവീകരണവും ശീതീകരണവും 

മടവൂർ സർവ്വീസ് സഹകരണ ബേങ്കിന്റെ നേതൃത്വത്തിൽ പൂർത്തീകരിച്ചു നൽകി. പഞ്ചായത്തിലെ നിരവധി രോഗികൾക്കും കുട്ടികൾക്കും ആശ്വാസം പകരുന്ന ഈ പദ്ധതി ബേങ്കിന്റെ പൊതുനന്മാ ഫണ്ടിൽ നിന്നും തുക വിനിയോഗിച്ചാണ് നടപ്പിലാക്കിയത്.

സമർപ്പണം ബേങ്ക് പ്രസിഡണ്ട് ടി വി അബൂബക്കർ നിർവഹിച്ചു. മെഡിക്കൽ ഓഫീസർ സുജ, ഹെൽത്ത് ഇൻസ്‌പെക്ടർ സജിത്ത് ബാബു,ബാങ്ക് സെക്രട്ടറി ടി.കെ ഫൈസൽ, ബേങ്ക് ഡയരക്ടർമാരായ യു.പി അസീസ് മാസ്റ്റർ, പി.ജനാർദ്ദനൻ, ഹഫ്‌സത്ത്, നജ്മുന്നിസ്സ തുടങ്ങിയവർ സംസാരിച്ചു.

പങ്കാളിത്ത പെൻഷൻ പിൻവലിക്കുക, സ്റ്റാറ്റ്യൂട്ടറി പെൻഷൻ പുനസ്ഥാപിക്കുക:സ്റ്റേറ്റ് എൻ പി എസ് കലക്ടീവ് കേരള

പങ്കാളിത്ത പെൻഷൻ പിൻവലിക്കുക, സ്റ്റാറ്റ്യൂട്ടറി പെൻഷൻ പുനസ്ഥാപിക്കുക,  പുനപരിശോധന സമിതി റിപ്പോർട്ടിന്മേൽ ഉടൻ നടപടി സ്വീകരിക്കുക എന്നീ ആവശ്യങ്ങൾ ഉന്നയിച്ചുകൊണ്ട് സ്റ്റേറ്റ് എൻ പി എസ് കലക്ടീവ് കേരള കോഴിക്കോട് മേഖലാ ജാഥ കോഴിക്കോട് സിവിൽ സ്റ്റേഷനിൽ 2022 നവംബർ 29 ആം തീയതി രാവിലെ 9. 30ന്  ജില്ലാ പ്രസിഡണ്ട് ബിജീഷ് പി കെ. ജാഥ ക്യാപ്ടൻ പൊന്നുമണി കെ കെ യ്ക്ക് പതാക കൈമാറി ഉദ്ഘാടനം ചെയ്തു . ചടങ്ങിൽ ജില്ലാ സെക്രട്ടറി അബ്ദുൽ ലത്തീഫ് അധ്യക്ഷത വഹിച്ചു. വിജീഷ് ഐ വി സ്വാഗതവും പ്രജിത് കുമാർ കെ നന്ദിയും രേഖപ്പെടുത്തി .വാഹന പ്രചരണ ജാഥ രാവിലെ 10 മണിക്ക് കോഴിക്കോട് നിന്ന് ആരംഭിച്ചു താമരശ്ശേരി, കൊയിലാണ്ടി, വടകര എന്നീ താലൂക്കുകളിലൂടെ സ്വീകരണങ്ങൾ ഏറ്റുവാങ്ങിക്കൊണ്ട്  കണ്ണൂർ സിവിൽ സ്റ്റേഷനിൽ  സമാപിച്ചു. പങ്കാളിത്ത പെൻഷൻ പിൻവലിക്കുന്നതിന് നിയമപരമായി തടസ്സം ഇല്ലാഞ്ഞിട്ടും പങ്കാളിത്ത പെൻഷൻ റിപ്പോർട്ട്  പുറത്ത് വിടാത്തതിന് എതിരെയും സർക്കാർ ജീവനക്കാരെ രണ്ടു തട്ടിലാക്കിക്കൊണ്ട് നടപ്പിലാക്കിയ ഈ പദ്ധതി പിൻവലിക്കുക എന്നീ ആവശ്യങ്ങൾ ഉന്നയിച്ചുകൊണ്ട്  2023 ജനുവരി 21ന് സെക്രട്ടറിയേറ്റ് പടിക്കൽ പങ്കാളിത്ത പെൻഷൻ ജീവനക്കാരുടെയും അധ്യാപകരുടെയും സെക്രട്ടറിയേറ്റ് മാർച്ച് വിജയിപ്പിക്കുന്നതിന് വേണ്ടിയുള്ള വാഹന പ്രചരണ ജാഥയിൽ മുഴുവൻ പങ്കാളിത്ത പെൻഷൻകാരും അണിനിരന്നുകൊണ്ട് ഈ വഞ്ചനക്കെതിരെ ശക്തമായി 

പൊരുതണമെന്ന് സ്റ്റേറ്റ് എൻ പി എസ് കലക്ടീവ് കേരള കോഴിക്കോട് ജില്ലാ കമ്മിറ്റി പത്രക്കുറിപ്പിൽ ആവശ്യപ്പെടുന്നു.

മതേതരത്വവും ബഹുസ്വരതയും സംരക്ഷിക്കപ്പെടണം

മതേതരത്വവും ബഹുസ്വരതയും സംരക്ഷിക്കപ്പെടണം

കോഴിക്കോട്: 

മതേതരത്വവും ബഹുസ്വരതയും രാജ്യത്തിന്റെ പൈതൃകങ്ങളാണെന്നും അവ സംരക്ഷിക്കപ്പെടണമെന്നും മുജാഹിദ് പത്താം സംസ്ഥാന സമ്മേളനത്തോടനിബന്ധിച്ച് നടന്ന കോഴിക്കോട് സൗത്ത്‌ ജില്ല വളണ്ടിയർ സംഗമം അഭിപ്രായപ്പെട്ടു. രാജ്യത്തിന്റെ ഭരണഘടനയുടെ ആത്മാവ് തന്നെ മതേതരത്വമാണെന്നും അത് സംരക്ഷിക്കാൻ മതേതര ജനാധിപത്യ കൂട്ടായ്മകൾ ശക്തിപ്പെടുത്തണമെന്നും സംഗമം ആവശ്യപ്പെട്ടു. കോഴിക്കോട് മുജാഹിദ് സെന്ററിൽ വെച്ച് നടന്ന വളണ്ടിയർ സംഗമം കെ.എൻ.എം ജില്ല പ്രസിഡണ്ട് സി.മരക്കാരുട്ടി ഉദ്ഘാടനം ചെയ്തു. വളണ്ടിയർ വിംഗ് ചെയർമാൻ അബ്ദുറസാഖ് ചേവായൂർ അധ്യക്ഷനായിരുന്നു.ഹമീദലി അരൂർ, ഷബീർ കൊടിയത്തൂർ, വളപ്പിൽ അബ്ദുസ്സലാം, ശജീർഖാൻ, എം.എം റസാഖ്, ഇ.വി മുസ്തഫ, ഷഫീഖ് കോവൂർ, നാസർ കല്ലായി, കുഞ്ഞഹമ്മദ് എന്നിവർ സംസാരിച്ചു.

വാഴക്കാട് സർവ്വീസ് സഹകരണ ബേങ്ക് ഡയറക്ടർ സജ്ന ഷംസുവിന് സ്വീകരണം നൽകി

വാഴക്കാട് സർവ്വീസ് സഹകരണ ബേങ്ക് ഡയറക്ടർ സജ്ന ഷംസുവിന് സ്വീകരണം നൽകി

വാഴക്കാട് സർവ്വീസ് സഹകരണ ബേങ്ക് ഡയറക്ടറായിരുന്ന കെ.ടി. അഷ്റഫിൻ്റെ വിയോഗത്തെ തുടർന്ന് ഒഴിവ് വന്ന ഡയറക്ടർ സ്ഥാനത്തേക്ക് കഴിഞ്ഞ പഞ്ചായത്ത് തെരഞ്ഞെടുപ്പിൽ എളമരം വാർഡിൽ UDF സ്ഥാനാർത്ഥിയായി മൽസരിച്ച  ശ്രീമതി. സജ്ന ഷംസുവിനെ ഭരണ സമിതി നോമിനേറ്റ് ചെയ്ത് ഡയറക്ടറായി നിയമിച്ചു

ഡയറക്ടർ സ്ഥാനത്തേക്ക് തിരഞ്ഞെടുത്ത ഷജ്ന ഷംസുവിന് ബേങ്കിൽ വെച്ച് നടന്ന ചടങ്ങിൽ DCC മുൻ ജനറൽ സെക്രട്ടറിയും സീനിയർ കോൺഗ്രസ്സ് നേതാവുമായ KMA റഹ്മാൻ ഷാൾ അണിയിച്ചു സ്വീകരിച്ചു

മണ്ഡലം കോൺഗ്രസ്സ് പ്രസിഡണ്ട് ജൈസൽ എളമരം,സർവ്വീസ് ബേങ്ക് പ്രസിഡണ്ട് അഡ്വ: എം.കെ. സി. നൗഷാദ് ,വൈസ് പ്രസിഡണ്ട് കെ.പി. രവീന്ദ്രൻ മാസ്റ്റർ, ഡയറക്ടർ മാരായ മുസ്സക്കുട്ടി, എം.കെ റഷീദ്, പി.സുരേഷ്, അസ്മ, മുംതാസ്, സക്കീന , ബേങ്ക് സെക്രട്ടറി മൻസൂർ,മണ്ഡലം കോൺഗ്രസ്സ് കമ്മറ്റി ജനറൽ സെക്രട്ടറിമാരായ ഷംസുമപ്രം , കെ.ടി. ഷിഹാബ് ,ശ്രീദാസ് വെട്ടത്തൂർ , മണ്ഡലം പ്രതിനിധി അബൂബക്കർ മാസ്റ്റർ കാളൂർ, കർഷക കോൺഗ്രസ്സ്- ദളിത് കോൺഗ്രസ്സ്  മണ്ഡലം പ്രസിഡണ്ടുമാരായ അസീസ് എടപ്പെട്ടി, ബാബു എടക്കണ്ടി, വാർഡ് കോൺഗ്രസ്സ് പ്രസിഡണ്ടുമാരായ കെ.ബാലകൃഷ്ണൻ, ബാബു വടക്കേടത്ത്, ബൂത്ത് കോൺഗ്രസ്സ് പ്രസിഡണ്ട് എം.കെ. ഉണ്ണിമോയി, ഷബ്ന ജൈസൽ, ഷംസു പുന്നാട്ടിൽ എന്നിവർ സംബന്ധിച്ചു

എയ്ഡഡ് സ്കൂൾ നോൺ ടീച്ചിംഗ് സ്റ്റാഫ് അസോസിയേഷൻറെ മെമ്പർഷിപ്പ് ക്യാമ്പയിൻ തുടക്കമായി

എയ്ഡഡ് സ്കൂൾ നോൺ ടീച്ചിംഗ് സ്റ്റാഫ് അസോസിയേഷൻറെ മെമ്പർഷിപ്പ് ക്യാമ്പയിൻ തുടക്കമായി

കോഴിക്കോട്:

കേരള എയ്ഡഡ് സ്കൂൾ നോൺ ടീച്ചിങ് സ്റ്റാഫ് അസോസിയേഷൻ കോഴിക്കോട് ജില്ലാ കമ്മിറ്റിയുടെ നേതൃത്വത്തിൽ മെമ്പർഷിപ്പ് ക്യാമ്പയിൻ ആരംഭിച്ചു.

കോഴിക്കോട് സിറ്റിയിലെ വിവിധ സ്കൂളുകളിലായി സന്ദർശനം നടത്തുകയും അവരുടെ പ്രയാസങ്ങളും ബുദ്ധിമുട്ടുകളും കേൾക്കുകയും അതിനുള്ള പരിഹാരം മാർഗങ്ങൾ കണ്ടെത്തുവാനും സാധിച്ചു.

മെമ്പർഷിപ്പ് ക്യാമ്പയിൻ തുടർന്നുകൊണ്ടിരിക്കുകയാണ്.

തുടർന്നുള്ള ദിവസങ്ങളിലായി ജില്ലയിൽ തന്നെ വിവിധ സ്കൂളുകളിൽ കേന്ദ്രീകരിച്ചുകൊണ്ട് സന്ദർശനം നടത്തുമെന്ന് എയ്ഡഡ് സ്കൂൾ നോൺ ടീച്ചിംഗ് സ്റ്റാഫ് അസോസിയേഷൻ ജില്ലാ സെക്രട്ടറി ആന്റണി ജെയിംസ് അറിയിച്ചു.

രജിസ്‌ട്രേഷന്‍ സേവനങ്ങൾ അതിവേഗത്തില്‍ ജനങ്ങളിലെത്തിക്കാനുള്ള ശ്രമമാണ് നടക്കുന്നത്: മന്ത്രി വി. എൻ വാസവൻ.

രജിസ്‌ട്രേഷന്‍ സേവനങ്ങൾ അതിവേഗത്തില്‍ ജനങ്ങളിലെത്തിക്കാനുള്ള ശ്രമമാണ് നടക്കുന്നത്: 

മന്ത്രി വി. എൻ വാസവൻ.

വിവരസാങ്കേതിക വിദ്യയുടെ അനന്ത സാധ്യതകളെ ഉപയോഗപ്പെടുത്തി രജിസ്‌ട്രേഷന്‍ സംബന്ധിച്ച എല്ലാ സേവനങ്ങളും അതിവേഗത്തില്‍ ജനങ്ങളിലെത്തിക്കാനുള്ള ശ്രമമാണ് നടപ്പാക്കുന്നതെന്ന് സഹകരണ രജിസ്‌ട്രേഷൻ സാംസ്കാരിക വകുപ്പ് മന്ത്രി വി. എൻ വാസവൻ. ചാത്തമംഗലം സബ് രജിസ്ട്രാര്‍ ഓഫീസിന്റെ പുതിയ കെട്ടിടം ഉദ്ഘാടനം ചെയ്യുകയായിരുന്നു മന്ത്രി. 

ഇടപാടുകാര്‍ക്ക് അനുകൂലവും ആശ്വാസകരവുമായ പശ്ചാത്തല സൗകര്യമൊരുക്കുകയാണ് രജിസ്‌ട്രേഷന്‍ വകുപ്പ്. മുന്‍ ആധാരങ്ങള്‍ നഷ്ടപ്പെടാതെ ഏതു നിമിഷവും ലഭ്യമാവുന്ന രീതിയില്‍ ഡിജിറ്റലൈസ് ചെയ്യുന്നത് തുടരുകയാണ്.  ചിലയിടങ്ങളിൽ നേരിടുന്ന സെര്‍വര്‍ പ്രശ്‌നങ്ങള്‍ പരിഹരിക്കുന്നതിന് നടപടികൾ ആരംഭിച്ചു കഴിഞ്ഞു.

പുതിയ നൂതന സാങ്കേതിക വിദ്യകൾ ഉപയോഗപ്പെടുത്തി പൊതുജനങ്ങൾക്ക് സുതാര്യവും കുറ്റമറ്റതും മികവുറ്റതുമായ സേവനങ്ങൾ ഉറപ്പാക്കി മുന്നോട്ടു പോകുമെന്നും മന്ത്രി പറഞ്ഞു. 

സംസ്ഥാന ഖജനാവിലേക്ക് വരുമാനമുണ്ടാക്കുന്നതില്‍  വലിയ സ്ഥാനമുള്ള വകുപ്പാണ് രജിസ്‌ട്രേഷന്‍ വകുപ്പ്. കഴിഞ്ഞ വര്‍ഷം 4200 കോടി രൂപയാണ് നേടിയത് മുന്‍ വര്‍ഷത്തേക്കാള്‍ 1200 കോടി രൂപയുടെ അധിക വര്‍ദ്ധനവാണ് ഉണ്ടായതെന്നും മന്ത്രി പറഞ്ഞു.  

കേരള സര്‍ക്കാരിന്റെ കിഫ്ബി പദ്ധതിയിലുള്‍പ്പെടുത്തി 1.05 കോടി രൂപ ചെലവിട്ടാണ് പുതിയ കെട്ടിടം നിര്‍മ്മിച്ചിരിക്കുന്നത്. ചാത്തമംഗലം വില്ലേജില്‍ രജിസ്‌ട്രേഷന്‍ വകുപ്പിന്റെ കൈവശമുള്ള 44 സെന്റ് സ്ഥലത്ത്  416.63 സ്‌ക്വയര്‍ മീറ്റര്‍ അളവിലാണ് ആധുനിക സൗകര്യങ്ങളോടു കൂടിയുള്ള പുതിയ കെട്ടിടം നിര്‍മ്മിച്ചിരിക്കുന്നത്.

ചടങ്ങില്‍ പി.ടി.എ റഹീം എം.എല്‍.എ അദ്ധ്യക്ഷത വഹിച്ചു. കെ.എസ്.സി.സി

റീജിയണൽ മാനേജർ നീനാ സൂസൻ പുന്നൻ റിപ്പോർട്ട് അവതരിപ്പിച്ചു.

 കുന്ദമംഗലം ബ്ലോക്ക് പഞ്ചായത്ത് പ്രസിഡന്റ് ബാബു നെല്ലുളി, ചാത്തമംഗലം ഗ്രാമപഞ്ചായത്ത് പ്രസിഡന്റ് ഓളിക്കൽ ഗഫൂർ, വൈസ് പ്രസിഡന്റ് എം.സുഷമ, ജില്ലാ പഞ്ചായത്ത് മെമ്പർമാരായ മുക്കം മുഹമ്മദ്, സുധ കമ്പളത്ത്, കുന്ദമംഗലം ബ്ലോക്ക് പഞ്ചായത്ത് മെമ്പർ പി.ശിവദാസൻ നായർ, ചാത്തമംഗലം ഗ്രാമപഞ്ചായത്ത് മെമ്പർ എം.കെ അജീഷ്, പി ഷൈപു, ചൂലൂർ നാരായണൻ, ഖാലിദ് കിളിമുണ്ട, ടി വേലായുധൻ, ടി ചക്രായുധൻ, രാജൻ മാമ്പറ്റച്ചാലിൽ, എ.പി ഭക്തോത്തമൻ, കെ അബ്ദുറഹിമാൻ ഹാജി, സി.കെ ഷമീം, ഇ സുരേന്ദ്രൻ സംസാരിച്ചു. ഉത്തരമേഖല രജിസ്‌ട്രേഷൻ ഡെപ്യൂട്ടി ഇൻസ്‌പെക്ടർ ജനറൽ കെ. സി മധു സ്വാഗതവും ജില്ലാ രജിസ്ട്രാർ കെ ശ്രീനിവാസൻ നന്ദിയും പറഞ്ഞു.

നീറ്റ് പരീക്ഷയിൽ ഉന്നത റാങ്ക് നേടി തൃശൂർ മെഡിക്കൽ കോളേജിൽ എം.ബി.ബി.എസ് പ്രവേശനം നേടിയഅഫ ഹലീമിനെ അനുമോദിച്ചു.

അഫ ഹലീമിനെ അനുമോദിച്ചു.

മടവൂർ : 

നീറ്റ് പരീക്ഷയിൽ ഉന്നത റാങ്ക് നേടി തൃശൂർ മെഡിക്കൽ കോളേജിൽ എം.ബി.ബി.എസ് പ്രവേശനം നേടിയ അഫ ഹലീമിനെ മടവൂർ പഞ്ചായത്ത്‌ മുസ്ലിം യൂത്ത് ലീഗ് കമ്മിറ്റി അനുമോദിച്ചു. ഉപഹാരസമർപ്പണം മണ്ഡലം യൂത്ത് ലീഗ് ജനറൽ സെക്രട്ടറി നസീഫ് കൊടുവള്ളി നിർവഹിച്ചു. മണ്ഡലം ട്രഷറർ ഒ.കെ. ഇസ്മായിൽ, പഞ്ചായത്ത്‌ എസ്.ടി.യു പ്രസിഡണ്ട്‌ ടി. ഹമീദ് മടവൂർ, പഞ്ചായത്ത്‌ മുസ്ലിം യൂത്ത് ലീഗ് പ്രസിഡണ്ട്‌ അൻവർ ചക്കാലക്കൽ, ജനറൽ സെക്രട്ടറി മുനീർ പുതുക്കുടി, ടൗൺ മുസ്ലിം യൂത്ത് ലീഗ് ജനറൽ സെക്രട്ടറി ഷമീർ മുട്ടാഞ്ചേരി തുടങ്ങിയവർ സംബന്ധിച്ചു. മുട്ടാഞ്ചേരി ടൗൺ മുസ്ലിം ലീഗ് പ്രസിഡണ്ട്‌ അബ്ദുൽ അസീസ് കെ.കെ യുടെ മകളാണ്.

ഭാരതീയ നാഷണൽ ജനതാ ദൾ രാഷ്ട്രീയ ജനതാദള്ളിൽ ലയിക്കുന്നു

ഭാരതീയ നാഷണൽ ജനതാ ദൾ രാഷ്ട്രീയ ജനതാദള്ളിൽ ലയിക്കുന്നതുമായി ബന്ധപ്പെട്ട ചർച്ചകൾ

 ഇന്ന് ഏറണാകുളത്ത് ചേർന്ന ഇരു  പാർട്ടികളുടെയും സംയുക്ത ഭാരവാഹികളുടെ യോഗത്തിൽ പൂർത്തിയായി

 മുന്ന് മാസങ്ങൾക്ക് മുമ്പ്  ആരംഭിച്ച ചർച്ചകളുടെ ഭാഗമായി രാഷ്ട്രീയ ജനതാ ദൾ ദേശിയ സെക്രട്ടറി അനു ചാക്കോയും ഭാരതിയ നാഷണൽ ജനതാ ദൾ പ്രസിഡന്റ് അഡ്വ: ജോൺ ജോണും ഡൽഹിയിൽ ചെന്ന് രാഷ്ട്രീയ ജനതാ ദൾ ദേശീയ പ്രസിഡന്റ് ലാലു പ്രസാദ് യാദവും ദേശീയ നേതാക്കളുമായി ചർച്ച നടത്തി തീരുമാനങ്ങളിൽ എത്തുകയും ചെയ്തു

ഇതിന്റെ അടിസ്ഥാനത്തിൽ ഡിസംബർ  15 ന് രാഷ്ട്രീയ ജനതാ ദൾ ദേശീയ നേതാക്കളുടെ സാനിധ്യത്തിൽ തിരുവനന്തപുരത്ത് ലയന സമ്മേളനം നടത്താനും 

ഇന്നത്തെ യോഗത്തിൽ തീരുമാനമായി.

മതേതര ഇന്ത്യയുടെ ഐക്യത്തിനും ജനാധിപത്യ സംരക്ഷണത്തിനും രാജ്യത്തെ സോഷ്യലിസ്റ്റ് പ്രസ്ഥാനങ്ങൾ ഒരുമിച്ച് പ്രവർത്തിക്കേണ്ടത് അനിവാര്യമായിരിക്കുകയാണന്നും,  

ദളിത് പിന്നോക്ക ന്യൂനപക്ഷ വിഭാഗങ്ങളുടെ ക്ഷേമ  പ്രവർത്തനങ്ങൾക്കും അവരെ മുഖ്യധാരയിലേക്ക് കൊണ്ട് വരുന്നതിനുമായ പ്രവർത്തനങ്ങളാണ് രാഷ്ട്രീയ ജനതാദൾ ദേശീയ പ്രസിഡന്റ് ലാലു പ്രസാദ് യാദവിന്റെ നേതൃത്വത്തിൽ നടക്കുന്നതെന്നും 

 രാഷ്ട്രീയ ജനതാദൾ ദേശീയ സെക്രട്ടറി അനു ചാക്കോ ലയന ചർച്ചയെ അഭിസംബോധനം ചെയ്ത് കൊണ്ട് പറഞ്ഞു,

ഇരു പാർട്ടികളുടെയും ലയനം കേരളത്തിലെ സോഷ്യലിസ്റ്റ് പ്രസ്ഥാനത്തിന് അഭിമാനകരമായ വളർച്ചക്ക് കാരണമാവുകയും അത് വഴി യുഡിഎഫിന് ശക്തി പകരാൻ സാധിക്കുമെന്നും  അഡ്വ.ജോൺ ജോൺ പറഞ്ഞു,

രാഷ്ട്രീയ ജനതാ ദൾ നേതാക്കളായ ഡോ.ജോർജ് ജോസഫ് , നൗഷാദ്തോട്ടുംകര, ചോലക്കര മുഹമ്മദ് മാസ്റ്റർ, ബിജു തേറാട്ടിൽ, ബിനു പഴയചിറ, ദേവി അരുൺ , ഷാഹുൽ ഹമീദ് ,യൂസഫ് അലി. നിസാർ സിവി , എന്നിവരും ഭാരതീയ നാഷണൽ ജനതാ ദൾ നേതാക്കളായ കെ ടി ജോസഫ് ,അനിൽ മേടയിൽ ,സെനിൻ റാഷി,സി കെ സഹജൻ, ഷംനാദ് കുട്ടികട, മനോജ് കൊട്ടാരക്കര , എന്നിവരും പങ്കെടുത്തു

ലഹരി വിരുദ്ധ ബോധവൽക്കരണം പാഠ്യപദ്ധതയുടെ ഭാഗമാക്കണം- എം.എസ്.എം വിദ്യാർത്ഥി സമ്മേളനം

ലഹരി വിരുദ്ധ ബോധവൽക്കരണം പാഠ്യപദ്ധതയുടെ ഭാഗമാക്കണം- എം.എസ്.എം വിദ്യാർത്ഥി സമ്മേളനം

മാളിക്കടവ്: 

വിദ്യാർഥികളിൽ ലഹരി ഉപയോഗം വർധിച്ചു വരുന്ന സാഹചര്യത്തിൽ ലഹരി വിരുദ്ധ ബോധവൽക്കരണം പാഠ്യ പദ്ധതിയിൽ ഉൾപ്പെടുത്തണമെന്നും, വിദ്യാഭ്യാസ സ്ഥാപനങ്ങൾ കേന്ദ്രീകരിച്ച് ബോധവൽക്കരണം ശക്തമാക്കണമെന്നും മുജാഹിദ് പത്താം സംസ്ഥാന സമ്മേളനത്തോടനുബന്ധിച്ച് മുജാഹിദ് സ്റ്റുഡന്റ്‌സ് മൂവ്മെന്റ്(എം.എസ്.എം) കോഴിക്കോട് സൗത്ത് ജില്ല കമ്മറ്റി സംഘടിപ്പിച്ച 'ഹൈസെക്' ഹയർസെക്കണ്ടറി വിദ്യാർത്ഥി സമ്മേളനം അഭിപ്രായപ്പെട്ടു. വളർന്നു വരുന്ന തലമുറയെ പുരോഗമനത്തിന്റെ പേരിൽ അരാജകത്വത്തിലേക്ക് നയിക്കുന്ന ലിബറൽ സമീപനങ്ങൾ തിരിച്ചറിയാൻ വിദ്യാർത്ഥി സമൂഹം തയ്യാറകാണമെന്നും 'അധാർമികത പുരോഗമനമല്ല' എന്ന പ്രമേയത്തിൽ നടന്ന സമ്മേളനം ആഹ്വാനം ചെയ്തു. മാളിക്കടവ് എം.എസ്.എസ് പബ്ലിക് സ്‌കൂളിൽവെച്ച് നടന്ന സമ്മേളനം ഫാറൂഖ് കോളേജ് പ്രിൻസിപ്പൽ ഡോ.കെ.എം നസീർ ഉദ്ഘാടനം ചെയ്തു. കെ.എൻ.എം ജില്ല പ്രസിഡണ്ട് സി.മരക്കാരുട്ടി അധ്യക്ഷനായിരുന്നു. വിവിധ സെഷനുകളിൽ പങ്കെടുത്തുകൊണ്ട് പി.കെ സകരിയ്യ സ്വലാഹി, ഹാഫിസ് റഹ്മാൻ മദനി, അൻസാർ നന്മണ്ട, അലി ശാക്കിർ മുണ്ടേരി, ബഷീർ പട്ടേൽത്താഴം, അബ്ദുൽ വഹാബ് സ്വലാഹി,ഷമീർ ഖാൻ, വളപ്പിൽ അബ്ദുസ്സലാം, നിസാർ ഒളവണ്ണ എന്നിവർ സംസാരിച്ചു.

വൈകിട്ട് നടന്ന സമാപന സമ്മേളനം കെ.എൻ.എം സംസ്ഥാന ജനറൽ സെക്രട്ടറി എം.മുഹമ്മദ് മദനി ഉദ്ഘാടനം ചെയ്തു.

പാലത്ത് അബ്ദുറഹ്മാൻ മദനി,എ.പി കുഞ്ഞാമു,മുഹമ്മദ് കമാൽ,ജാസിർ രണ്ടത്താണി,ഫവാസ് മൂസ, അസ്ജദ് കടലുണ്ടി, ജാനിഷ് പെരുമണ്ണ, ശമൽ പൊക്കുന്ന് തുടങ്ങിയവർ സംസാരിച്ചു. സമ്മേളനത്തിൽ മുഴുവൻ പ്രതിനിധികളും പങ്കെടുത്ത ലഹരി വിരുദ്ധ പ്രതിഞ്ജ എം.എസ്.എം സംസ്ഥാന ജനറൽ സെക്രട്ടറി സുഹ്ഫി ഇമ്രാൻ ചൊല്ലി കൊടുത്തു.

പ്രതിഷേധ സംഗമം താക്കീതായി

പ്രതിഷേധ സംഗമം

താക്കീതായി

കോഴിക്കോട് :

പാഠ്യപദ്ധതി പരിഷ്ക്കരണത്തിലെ

ഒളിയജണ്ടകൾ ക്കെതിരെ

സമസ്ത കേരള മദ്റസ്സ മാനേജ്മെൻ്റ് അസോസിയേഷൻ കോഴിക്കോട് ജില്ലാ കമ്മിറ്റിയുടെ ആഹ്വാനപ്രകാരം ജില്ലയിലെ റെയിഞ്ച് ആസ്ഥാനങ്ങളിൽ

സായാഹ്ന പ്രതിഷേധ സംഗമം നടത്തി.

കുറ്റിക്കിട്ടൂരിൽ നടന്ന റെയിഞ്ച്തല പ്രതിഷേധ സംഗമം സമസ്ത വിദ്യാഭ്യാസ ബോർഡ് മെമ്പർ എം.സി മായിൻ ഹാജി ഉദ്ഘാടനം ചെയ്തു.

പ്രസിഡൻ്റ് കെ.പി കോയ ഹാജി അദ്ധ്യക്ഷനായി.

അബൂബക്കർ ഫൈസി മലയമ്മ മുഖ്യ പ്രഭാഷണം നടത്തി .ഇ.അബൂബക്കർ വഹബി, എ ടി ബഷീർ ഹാജി,ആർ.വി അബ്ബാസ് ദാരിമി,പി ബാവ ഹാജി, മുളയത്ത് മുഹമ്മദ് ഹാജി,

ടി.പി സുബൈർ മാസ്റ്റർ,ജമാലുദ്ദീൻ ദാരിമി,കെ എം അഹമ്മദ് ,പി.പി അബ്ദു റഹിമാൻ, കെ.മരക്കാർ ഹാജി,പേങ്കാട്ടിൽ അഹമ്മദ് ഹാജി ,എ.പി സലീം ഹാജി ,സി.എ സലാം ഹാജി,

ഇ മുജീബ് റഹ്മാൻ സംസാരിച്ചു.സെക്രട്ടറി എൻ.കെ യൂസുഫ് ഹാജി സ്വാഗതവും

എൻ.വി കോയ നന്ദിയും പറഞ്ഞു.

മലപ്പുറം ജില്ലാ സ്കൂൾ കായികമേള: വാഴക്കാടിന്റെ മിന്നും താരം അഫ്രീന സംസ്ഥാന തലത്തിലേക്ക്

മലപ്പുറം ജില്ലാ സ്കൂൾ കായികമേള: മലപ്പുറവും ഓടികടന്ന് വാഴക്കാടിന്റെ മിന്നും താരം അഫ്രീന സംസ്ഥാന തലത്തിലേക്ക്

വാഴക്കാട്: കാലിക്കറ്റ് യൂണിവേഴ്സിറ്റി  സ്റ്റേഡിയത്തിൽ വച്ച് നടന്ന മലപ്പുറം റവന്യൂ ജില്ലാ സ്കൂൾ കായിക മേളയിൽ 800 മീറ്റർ 1500 മീറ്റർ , 3000 മീറ്റർ ഓട്ട മത്സരങ്ങളിൽ വാഴക്കാട് ഗവ: ഹയർ സെക്കണ്ടറി സ്കൂളിലെ  അഫ്രീന സ്വർണ്ണ മെഡലുകൾ നേടി ജൂനിയർ പെൺകുട്ടികളുടെ വിഭാഗത്തിൽ വ്യക്തിഗത ചാമ്പ്യൻ പട്ടം കരസ്ഥമാക്കി. പെരുവയൽ മേലെ നടുക്കണ്ടിയിൽ ആബിദ് -  സുബൈദ ദമ്പതികളുടെ മകളാണ് പ്ലസ് വൺ വിദ്യാർഥിയായ അഫ്രീന.

ഡിസംബർ 3 മുതൽ 5 വരെ തിരുവനന്തപുരത്ത് വെച്ച് നടക്കുന്ന സംസ്ഥാന  സ്കൂൾ കായിക മേളയിൽ മലപ്പുറം ജില്ലയെ പ്രതിനിധീകരിച്ച് പങ്കെടുക്കും.

ഫറോക്ക്പേട്ടയിൽ ഗ്രൗണ്ട് നവീകരിച്ച് പാർക്കിംഗ് പ്ലാസ പണിയണമെന്ന് കേരള സംസ്ഥാന വ്യാപാരി വ്യവസായ സമിതി

ദിനംപ്രതി ഗതാഗത തിരക്ക് അനുഭവപ്പെടുന്ന ഫറോക്ക്പേട്ടയിൽ  ഗ്രൗണ്ട് നവീകരിച്ച് പാർക്കിംഗ് പ്ലാസ പണിയണമെന്ന് കേരള സംസ്ഥാന വ്യാപാരി വ്യവസായ സമിതി പേട്ട ചന്തക്കടവ് യൂണിറ്റ് സമ്മേളനം പ്രമേയത്തിലൂടെ ആവശ്യപ്പെട്ടു.

പ്രസിഡൻറ് കെ. ഫൈസലിന്റെ അധ്യക്ഷതയിൽ സംസ്ഥാന കമ്മിറ്റി അംഗം സി.വി. ഇഖ് ബാൽ ഉദ്ഘാടനം ചെയ്തു.

ജില്ലാ സെക്രട്ടറി ടി. മരക്കാർ, വൈസ് പ്രസിഡണ്ട് കെ.എം. റഫീഖ്, മേഖലാ സെക്രട്ടറി ടി. മധുസൂദനൻ, പ്രസിഡണ്ട് എ. എം. ഷാജി, ടി സുധീഷ്, എം. സുരേഷ്, ജലീൽ ചാലിയിൽ, കെ .വി .എം. ഫിറോസ് ശ്രീധരൻ നടുക്കണ്ടി,k. ദീപേഷ്, എന്നിവർ പ്രസംഗിച്ചു. പ്രവീൺ കൂട്ടുങ്ങൽ സ്വാഗതവും റഫീഖ് ടോപ്പ് അപ്പ് നന്ദിയും പറഞ്ഞു. പുതിയ ഭാരവാഹികളായി കെ. ഫൈസൽ പ്രസിഡൻറ്, എം. സുരേഷ് സെക്രട്ടറി, റഫീഖ് ടോപ്പ് അപ്പ്,ട്രഷറർ എന്നിവരെ തിരഞ്ഞെടുത്തു

ജില്ലാ കലോത്സവത്തിൽ അറബിക് ഉപന്യാസ മത്സരത്തിൽ ഹയർസെക്കൻഡറി വിഭാഗത്തിൽ ജിയ സുഹറക്ക് ഒന്നാം സ്ഥാനവും എ ഗ്രേഡും

ജില്ലാ കലോത്സവത്തിൽ അറബിക് ഉപന്യാസ മത്സരത്തിൽ ജിയ സുഹറക്ക് ഒന്നാം സ്ഥാനവും എ ഗ്രേഡും

കോഴിക്കോട്:

കോഴിക്കോട് ജില്ലാ കലോത്സവത്തിൽ ഹയർസെക്കൻഡറി വിഭാഗം അറബിക് ഉപന്യാസ മത്സരത്തിൽ ഹിമായത്തുൽ ഇസ്ലാം ഹയർസെക്കൻഡറി സ്കൂളിലെ പ്ലസ് ടു വിദ്യാർത്ഥിനിയായ ജിയ സുഹറക്ക് ഒന്നാം സ്ഥാനവും എ ഗ്രേഡും ലഭിച്ചു. വടകര ബി ഇ എം ഗേൾസ് ഹയർസെക്കൻഡറി സ്കൂളിൽ വച്ചായിരുന്നു മത്സരങ്ങൾ നടന്നത്.

സ്കൂളിലെ തന്നെ അറബിക് അധ്യാപികയായ സി ടി ഫാത്തിമ ടീച്ചറാണ് പരിശീലനം നൽകിയത്

കലോത്സവ വിജയികളെ അനുമോദിച്ചു

കലോത്സവ വിജയികളെ അനുമോദിച്ചു

കോഴിക്കോട്:

കോഴിക്കോട് സിറ്റി സബ്ജില്ലാ കലാ കായികമേളകളിൽ  ഉന്നത വിജയം നേടിയ വിദ്യാർത്ഥികളെ ഹിമായത്തുൽ ഇസ്ലാം ഹയർ സെക്കൻഡറി സ്കൂളിലെ സ്കൂൾ സ്റ്റാഫ് കൗൺസിലിന്റെ നേതൃത്വത്തിൽ അനുമോദിച്ചു.

പഠനത്തോടൊപ്പം തന്നെ കലയും കായികവും വിദ്യാർഥികൾക്ക് പകർന്നു നൽകുവാനും ഒരുപാട് യുവ പ്രതിഭകളെ കണ്ടെത്തുവാനും ഇത്തരം മേളയിലൂടെ സാധിച്ചിട്ടുണ്ട്. സ്കൂൾ സ്റ്റാഫ് കൗൺസിൽ സെക്രട്ടറി എ എം നൂറുദ്ദീൻ മുഹമ്മദിന്റെ അധ്യക്ഷതയിൽ പ്രധാന അധ്യാപകൻ വി കെ ഫൈസൽ ഉദ്ഘാടനം ചെയ്തു.

ഡെപ്യൂട്ടി ഹെഡ്മാസ്റ്റർ എ കെ അഷ്റഫ്, കെ പി സാജിദ്, ടി കെ ഫൈസൽ, കെ സീന,  ഇ വഹീദ, തുടങ്ങിയവർ ആശംസകൾ അർപ്പിച്ചു സംസാരിച്ചു.

എറണാകുളത്ത് വച്ച് നടന്ന സ്കൂൾ ശാസ്ത്രോത്സവത്തിൽ പ്രവർത്തി പരിചയമേളയിൽ നാലാം സ്ഥാനവും എ ഗ്രേഡും കരസ്ഥമാക്കിയ

 കെപിസിനാൻ മുഹമ്മദിനെയും ചടങ്ങിൽ ആദരിച്ചു.

മുസ്ലിം ലീഗ് സമ്മേളനത്തിന്റെ സ്വാഗതസംഘം ഓഫീസ് ഉദ്ഘാടനം ചെയ്തു

2022 ഡിസം 15 - 24 ന് നടക്കുന്ന കുന്നമംഗലം മണ്ഡലം മുസ്ലിം ലീഗ് സമ്മേളനത്തിന്റെ സ്വാഗതസംഘം ഓഫീസ് കുന്ദമംഗലത്ത്  കോഴിക്കോട് ജില്ലാ ലീഗ് പ്രസിഡണ്ട് ഉമ്മർ പാണ്ടികശാല ഉദ്ഘാടനം ചെയ്തു

ജലജീവന്‍ പദ്ധതികള്‍ സമയബന്ധിതമായി പൂര്‍ത്തീകരിക്കാന്‍ തീരുമാനമായി

ജലജീവന്‍ പദ്ധതികള്‍ സമയബന്ധിതമായി പൂര്‍ത്തീകരിക്കാന്‍ 

തീരുമാനമായി

കുന്ദമംഗലം മണ്ഡലത്തിലെ ജലജീവന്‍ പദ്ധതി പ്രവൃത്തികള്‍ സമയബന്ധിതമായി പൂര്‍ത്തീകരിക്കുന്നതിന് തീരുമാനമായി. ജലവിഭവ വകുപ്പ് മന്ത്രി റോഷി അഗസ്റ്റിന്‍റെ സാന്നിധ്യത്തില്‍ കളക്ടറേറ്റില്‍ ചേര്‍ന്ന യോഗത്തിലെ നിര്‍ദ്ദേശത്തിന്‍റെ അടിസ്ഥാനത്തില്‍ പി.ടി.എ റഹീം എം.എല്‍.എ മാവൂര്‍ ഗ്രാമപഞ്ചായത്ത്  ഹാളില്‍ വിളിച്ചുചേര്‍ത്ത വിവിധ വകുപ്പ് ഉദ്യോഗസ്ഥരുടേയും ഗ്രാമപഞ്ചായത്ത് പ്രസിഡന്‍റുമാരുടേയും യോഗത്തിലാണ് ഇക്കാര്യത്തിലുള്ള ധാരണയുണ്ടായത്.

പ്രവൃത്തികള്‍ നടന്നുവരുന്ന പൊതുമരാമത്ത് റോഡുകളില്‍ പൈപ്പ് ലൈന്‍ സ്ഥാപിക്കല്‍ പ്രവൃത്തി നടത്തുന്നതിന് മുന്‍ഗണന നല്‍കാനും ചാത്തമംഗലം പഞ്ചായത്തിലെ താന്നിക്കോട് മലയില്‍ എട്ട് പഞ്ചായത്തുകള്‍ക്ക് കുടിവെള്ളം ലഭ്യമാക്കാന്‍ തയ്യാറാക്കിയ പദ്ധതി ടാങ്കിന് സ്ഥലം ഏറ്റെടുക്കല്‍ നടപടി അടിയന്തിരമായി പൂര്‍ത്തീകരിക്കാനും തീരുമാനിച്ചു. മണ്ഡലത്തിലെ ചെറുകിട ജലസേചന പദ്ധതികളുടെ പ്രവൃത്തികള്‍ നടത്തുന്നതില്‍ നിലവിലുള്ള തടസങ്ങള്‍ നീക്കുന്നതിനും സ്ഥലം സംബന്ധിച്ച ആശയകുഴപ്പങ്ങളുള്ള ഭാഗങ്ങള്‍  റവന്യു ഉദ്യോഗസ്ഥര്‍ക്കൊപ്പം പരിശോധിച്ച് സമയബന്ധിത നടപടികള്‍ സ്വീകരിക്കുന്നതിനും തീരുമാനിച്ചു.

ഗ്രാമപഞ്ചായത്ത് തലത്തില്‍ ജലജീവന്‍, കെ.ഡബ്ല്യു.എ, മൈനര്‍ ഇറിഗേഷന്‍ ഉദ്യോഗസ്ഥരുടെ  യോഗം വിളിച്ചു ചേര്‍ക്കുന്നതിനും അതാത് പ്രദേശങ്ങളിലെ  വിഷയങ്ങള്‍ പരിഹരിക്കുന്നതിനും മറ്റുതരത്തിലുള്ള തടസ്സങ്ങള്‍ കണ്ടെത്തുന്നപക്ഷം അക്കാര്യം റിപ്പോര്‍ട്ട് ചെയ്യുന്നതിനും എം.എല്‍.എ നിര്‍ദ്ദേശം നല്‍കി.

പി.ടി.എ റഹീം എം.എല്‍.എ അദ്ധ്യക്ഷത വഹിച്ചു. ഗ്രാമപഞ്ചായത്ത് പ്രസിഡണ്ടുമാരായ ടി രഞ്ജിത്, ഓളിക്കല്‍ ഗഫൂര്‍, എം.കെ സുഹറാബി, ഷാജി പുത്തലത്ത്, പി ശാരുതി, കെ.ഡബ്ല്യു.എ, ജലജീവന്‍, മൈനര്‍ ഇറിഗേഷന്‍, പൊതുമരാമത്ത് റോഡ്, റവന്യൂ, എല്‍.എസ്.ജി.ഡി തുടങ്ങിയ വകുപ്പുകളിലെ ഉദ്യോഗസ്ഥരും സംബന്ധിച്ചു.

കെ എം സി ടി കോളേജ് ഓഫ് ആർക്കിടെക്ചർ കളൻതോട് പുതിയ ബാച്ചിനു നൽികിയ സ്വീകരണം പത്മശ്രീ കെ. കെ. മുഹമ്മദ് തിരിതെളിയിച്ചു ഉദ്‌ഘാടനം ചെയ്തു

പുതിയ ബാച്ചിന് സ്വീകരണം നൽകി 

കട്ടാങ്ങൽ: 

കളൻതോട് കെ എം സി ടി  കോളേജ് ഓഫ് ആർക്കിടെക്ചർ കോളേജിൽ പുതിയ 2022 ബാച്ച് ആർക്കിറ്റെക്ച്ചർ വിദ്യാർത്ഥികളെ സ്വീകരിക്കുന്നത്തിന്റെ ഭാഗമായി ഇനാഗ്വറൽ സെറിമണി നടത്തി. കെ.എം.സി.ടി. ഗ്രൂപ്പ് ഓഫ് ഇന്സ്ടിട്യൂഷൻ  ചെയർമാൻ ഡോ: കെ. മൊയ്‌തു അദ്ധ്യക്ഷത വഹിച്ചു. പത്മശ്രീ കെ. കെ. മുഹമ്മദ് ( മുൻ റീജിയണൽ ഡയറക്ടർ , ആർക്കിയോളജി സർവ്വേ ഓഫ് ഇന്ത്യ ) പരിപാടി ഉദ്ഘാടനം ചെയ്തു.  പ്രൊഫസർ കെ. കെ.  ബാബു (മുൻ പ്രൊഫസർ ജി ഇ സി  തൃശൂർ )  മുഖ്യതിഥിയായി.