കൊടുവള്ളി മണ്ഡലത്തിൽ വിദ്യാഭ്യാസമുന്നേറ്റമുണ്ടാക്കും :
ഡോ : എം.കെ. മുനീർ
മടവൂർ :
കൊടുവള്ളി മണ്ഡലത്തിൽ വിദ്യാഭ്യാസമുന്നേറ്റമുണ്ടാക്കുമെന്ന് ഡോ :എം.കെ. മുനീർ എം.എൽ.എ പ്രസ്ഥാവിച്ചു. റിയാദ് കൊടുവള്ളി മണ്ഡലം കെ.എം.സി.സി കമ്മറ്റി നൽകിയ സ്വീകരണത്തിൽ സംസാരിക്കുകയായിരുന്നു അദ്ദേഹം.
ഉന്നതി പദ്ധതി യിലൂടെ വിദ്യാർത്ഥി കൾക്ക് ദിശാബോധം നൽകി അവരെ ഉന്നത പദവിയിലെത്തിക്കുകയാണ് ലക്ഷ്യമെന്നും കൂട്ടി ചേർത്തു.
ബത്ഹയിലെ അപ്പോളോ ഡിമോറോ മിനി ഓഡിറ്റോറിയത്തിൽ നടന്ന സ്വീകരണ സമ്മേളനത്തിൽ മണ്ഡലം പ്രസിഡന്റ് ഫായിസ് മങ്ങാട് അദ്ധ്യക്ഷത വഹിച്ചു. കെ.എം.സി.സി സൗദി നാഷണൽ കമ്മിറ്റി ആക്ടിംഗ് പ്രസിഡന്റ് അഷ്റഫ് വേങ്ങാട് ഉൽഘാടനം ചെയ്തു.
കോഴിക്കോട് ജില്ലാ കെഎംസിസി ആക്ടിംഗ് പ്രസിഡന്റ് നജീബ് നെല്ലാങ്കണ്ടി, ജില്ലാ ജോയിന്റ് സെക്രട്ടറി ലത്തീഫ് മടവൂർ, ഒലീവ് ബുക്സ് എഡിറ്റർ മുഹ്സിൻ കോട്ടക്കൽ, മണ്ഡലം ഭാരവാഹികളായ അബ്ദുൽ ലത്തീഫ് കട്ടിപ്പാറ, നാസിർ ചാലക്കര, സിദ്ദിഖ് അലി മടവൂർ എന്നിവർ സംസാരിച്ചു.
വിവിധ പഞ്ചായത്ത് കമ്മിറ്റികൾ ഹാരാർപ്പണം നടത്തി.
റിയാദ് കെഎംസിസി സെൻട്രൽ കമ്മിറ്റിയുടെ കുടുംബ സുരക്ഷാ പദ്ധതിയിൽ കൊടുവള്ളി മണ്ഡലം ചേർത്തിയ 524 പേരുടെ ലിസ്റ്റ് എം.എൽ.എ സെൻട്രൽ കമ്മിറ്റി ഭാരവാഹികൾ ക്ക് കൈമാറി. മണ്ഡലം ജനറൽ സെക്രട്ടറി സിദ്ദീഖ് കുറൂളി സ്വാഗതവും സെക്രട്ടറി മുജീബ് മൂതാട്ട് നന്ദിയും പറഞ്ഞു.
