പതിനൊന്നുകാരിയെ വെട്ടി പരിക്കേല്പിച്ച സംഭവം ; പ്രതി അറസ്റ്റിൽ
തിരുവില്വാമല: കുടുംബ വഴക്കിനെ തുടര്ന്ന് പതിനൊന്നുകാരിയെ വെട്ടി പരിക്കേല്പിച്ച സംഭവത്തിലെ പ്രതിയെ പഴയന്നൂര് പോലീസ് പിടികൂടി . കാട്ടുകുളം ചേലക്കോട്ട് വിജയന്(50) ആണ് അറസ്റ്റിലായത്. കഴിഞ്ഞ ദിവസം രാത്രി പത്തുമണിക്കാണ് സംഭവം . കാട്ടുകുളം ചേലക്കോട് സുരേഷിന്റെ മകള് അര്ച്ചനക്കാണ്(11) വെട്ടേറ്റത്. തലക്ക് പരുക്കേറ്റ കുട്ടി വാണിയംകുളത്തെ സ്വകാര്യ ആശുപത്രിയില് ചികിത്സയില് കഴിയുകയാണ് . പെണ്കുട്ടിയെ വെട്ടി പരിക്കേല്പിച്ച പ്രതി വിജയന് കുട്ടിയുടെ അമ്മവനാണ്. മദ്യപിച്ച് അബോധാവസ്ഥയിലായിരുന്ന ഇയാള് പോലീസ് നിരീക്ഷണത്തില് ഒറ്റപ്പാലം ആശുപത്രിയിലായിരുന്നു.
