ജോസ് ടോം പുലിക്കുന്നേല് പാലായില് യുഡിഎഫ് സ്ഥാനാര്ത്ഥി
അഡ്വ. ജോസ് ടോം പുലിക്കുന്നേല് പാലായില് യുഡിഎഫ് സ്ഥാനാര്ത്ഥിയാകും. കേരളാ കോണ്ഗ്രസ് എം സംസ്ഥാന ജനറല് സെക്രട്ടറിയായ ജോസ് ടോമിന്റെ പേര് യുഡിഎഫ് ഉപസമിതിയാണ് നിര്ദ്ദേശിച്ചത്.
ഇടമറ്റം പുലിക്കുന്നേല് കുടുംബാംഗമായ ജോസ് ടോം, കേരള കോണ്ഗ്രസ് എം സംസ്ഥാന സെക്രട്ടറിയാണ്. 26 വര്ഷമായി മീനച്ചില് സഹകരണ ബാങ്ക് പ്രസിഡന്റാണ്. ജില്ല കൗണ്സില് മെമ്പർ. മീനച്ചില് റബര് മാര്ക്കറ്റിങ് സൊസൈറ്റി മെമ്പർ, യൂത്ത്ഫ്രണ്ട് സംസ്ഥാന സെക്രട്ടറി, തിരുവനന്തപുരം ലോ കോളജ് സെനറ്റ് മെമ്പർ തുടങ്ങിയ നിലകളില് പ്രവര്ത്തിച്ചിട്ടുണ്ട്.
