വിജയികളെ അനുമോദിച്ചു
ഫാറൂഖ് കോളേജ്:
എസ് എസ് എൽ സി , പ്ലസ് റ്റു വിജയികളായ ഫാറൂഖ് കോളേജ് ഏരിയാ ജാഗ്രതാ സമിതി മെമ്പർമാരുടെ മക്കളെ അനുമോദിച്ചു . ഫാറൂഖ് കോളേജ്
സാംസ്കാരിക നിലയത്തിൽ ചേർന്ന ജാഗ്രതാ സമിതി കുടുംബ സംഗമത്തിൽ നടന്ന ചടങ്ങ് അൽ ഫാറൂഖ് എഡ്യുക്കേഷൻ സെന്റർ ഡയറക്ടർ ഡോക്ടർ എ കെ റഹീം ഉദ്ഘാടനം ചെയ്തു . കൺവീനർ കെ വൈ സുബൈർ അദ്ധ്യക്ഷം വഹിച്ചു .
ജാഗ്രതാ സമിതി കുടുംബത്തിൽ നിന്നും
സാമൂഹ്യ ആരോഗ്യ മേഖലയിൽ മാതൃകാപരമായ സേവനം നടത്തുന്നവരെയും , കലാ , കായിക സാംസ്കാരിക മേഖലകളിൽ പുരസ്‌കാര ജേതാക്കളായവരെയും ചടങ്ങിൽ ആദരിച്ചു .
മലബാർ എഡ്യുക്കേഷൻ മൂവ്മെന്റ് ജനറൽ സിക്രട്ടറി അക്ഷയ് കുമാർ .ഒ , ഹർഷദ് ലാലു , സി.പി.മൻസൂർ , അൽത്താഫ് പമ്മന , ഷിറാസ് കുണ്ടുകുളം എന്നിവർ സംസാരിച്ചു .
