ചാരിറ്റി-സന്നദ്ധ ജീവകാരുണ്യ പ്രവർത്തകനായ അഡ്വ: ഷമീർ കുന്ദമംഗലത്തിന് കുവൈത്ത് കെഎംസിസി കുന്ദമംഗലം മണ്ഡലം കമ്മിറ്റിയുടെ നേതൃത്വത്തിൽ സ്വീകരണം നൽകി
No commentsഅഡ്വ:ഷമീർ കുന്ദമംഗലത്തിന് സ്വീകരണം നൽകി:
കുവൈത്ത് സിറ്റി:
ഹൃസ്വ സന്ദർശനാർത്ഥം കുവൈത്തിൽ എത്തിയ പ്രമുഖ ചാരിറ്റി-സന്നദ്ധ ജീവകാരുണ്യ പ്രവർത്തകനായ അഡ്വ: ഷമീർ കുന്ദമംഗലത്തിന് കുവൈത്ത് കെഎംസിസി കുന്ദമംഗലം മണ്ഡലം കമ്മിറ്റിയുടെ നേതൃത്വത്തിൽ സ്വീകരണം നൽകി. കുവൈത്ത് അബ്ബാസിയയിൽ കെ എം സി സി ഓഫീസിൽ മണ്ഡലം ഉപാധ്യക്ഷൻ ഷറഫു ചിറ്റാരിപ്പിലാക്കലിന്റെ അദ്ധ്യക്ഷതയിൽ നടന്ന പരിപാടി കുവൈത്ത് കെഎംസിസി സംസ്ഥാന കമ്മിറ്റി പ്രസിഡന്റ് ഷറഫുദ്ദീൻ കണ്ണേത്ത് ഉത്ഘാടനം ചെയ്തു. സംസ്ഥാന ജനറൽ സെക്രട്ടറി എം കെ അബ്ദുറസാഖ്, ഉപദേശക സമിതി വൈസ് ചെയർമാൻ കെ ടി പി അബ്ദുറഹിമാൻ, വൈസ് പ്രസിഡന്റു മാരായ മുഹമ്മദ് അസ്ലം കുറ്റിക്കാട്ടൂർ, എൻ കെ ഖാലിദ് ഹാജി, കോഴിക്കോട് ജില്ലാ പ്രസിഡന്റ് ഫാസിൽ കൊല്ലം, ഫൈസൽ കടമേരി, അജ്മൽ വേങ്ങര, ഷാഫി കൊല്ലം അറഫാത്ത് സാഹിബ്, തുടങ്ങിയവർ ചടങ്ങിന് ആശംസകൾ അർപ്പിച്ചു സംസാരിച്ചു. കുന്ദമംഗലം മണ്ഡലം കമ്മിറ്റിക്ക് വേണ്ടി കെ എം സി സി ഉപാധ്യക്ഷൻ മുഹമ്മദ് അസ്ലം കുറ്റിക്കാട്ടൂർ ഷമീറിന് മൊമെന്റോ നൽകുകയും ഷറഫു ചിറ്റാരിപിലാക്കൽ ഷാൾ അണിയിക്കുകയും ചെയ്തു. സാമിൽ അബ്ദുള്ള മാവിലായ് ഖുർആൻ പാരായണവും സലാം തറോൽ സ്വാഗതവും രിഫാദ് കുറ്റിക്കാട്ടൂർ നന്ദിയും പറഞ്ഞു.
മടവൂർ കുടുംബാരോഗ്യ കേന്ദ്രം വാക്സിനേഷൻ റൂം ശീതീകരിച്ചു നൽകി
No commentsമടവൂർ കുടുംബാരോഗ്യ കേന്ദ്രം വാക്സിനേഷൻ റൂം ശീതീകരിച്ചു നൽകി
മടവൂർ :
മടവൂർ പഞ്ചായത്ത് കുടുംബാരോഗ്യ കേന്ദ്രത്തിലെ വാക്സിനേഷൻ റൂമിന്റെ നവീകരണവും ശീതീകരണവും
മടവൂർ സർവ്വീസ് സഹകരണ ബേങ്കിന്റെ നേതൃത്വത്തിൽ പൂർത്തീകരിച്ചു നൽകി. പഞ്ചായത്തിലെ നിരവധി രോഗികൾക്കും കുട്ടികൾക്കും ആശ്വാസം പകരുന്ന ഈ പദ്ധതി ബേങ്കിന്റെ പൊതുനന്മാ ഫണ്ടിൽ നിന്നും തുക വിനിയോഗിച്ചാണ് നടപ്പിലാക്കിയത്.
സമർപ്പണം ബേങ്ക് പ്രസിഡണ്ട് ടി വി അബൂബക്കർ നിർവഹിച്ചു. മെഡിക്കൽ ഓഫീസർ സുജ, ഹെൽത്ത് ഇൻസ്പെക്ടർ സജിത്ത് ബാബു,ബാങ്ക് സെക്രട്ടറി ടി.കെ ഫൈസൽ, ബേങ്ക് ഡയരക്ടർമാരായ യു.പി അസീസ് മാസ്റ്റർ, പി.ജനാർദ്ദനൻ, ഹഫ്സത്ത്, നജ്മുന്നിസ്സ തുടങ്ങിയവർ സംസാരിച്ചു.
പങ്കാളിത്ത പെൻഷൻ പിൻവലിക്കുക, സ്റ്റാറ്റ്യൂട്ടറി പെൻഷൻ പുനസ്ഥാപിക്കുക:സ്റ്റേറ്റ് എൻ പി എസ് കലക്ടീവ് കേരള
No commentsപങ്കാളിത്ത പെൻഷൻ പിൻവലിക്കുക, സ്റ്റാറ്റ്യൂട്ടറി പെൻഷൻ പുനസ്ഥാപിക്കുക, പുനപരിശോധന സമിതി റിപ്പോർട്ടിന്മേൽ ഉടൻ നടപടി സ്വീകരിക്കുക എന്നീ ആവശ്യങ്ങൾ ഉന്നയിച്ചുകൊണ്ട് സ്റ്റേറ്റ് എൻ പി എസ് കലക്ടീവ് കേരള കോഴിക്കോട് മേഖലാ ജാഥ കോഴിക്കോട് സിവിൽ സ്റ്റേഷനിൽ 2022 നവംബർ 29 ആം തീയതി രാവിലെ 9. 30ന് ജില്ലാ പ്രസിഡണ്ട് ബിജീഷ് പി കെ. ജാഥ ക്യാപ്ടൻ പൊന്നുമണി കെ കെ യ്ക്ക് പതാക കൈമാറി ഉദ്ഘാടനം ചെയ്തു . ചടങ്ങിൽ ജില്ലാ സെക്രട്ടറി അബ്ദുൽ ലത്തീഫ് അധ്യക്ഷത വഹിച്ചു. വിജീഷ് ഐ വി സ്വാഗതവും പ്രജിത് കുമാർ കെ നന്ദിയും രേഖപ്പെടുത്തി .വാഹന പ്രചരണ ജാഥ രാവിലെ 10 മണിക്ക് കോഴിക്കോട് നിന്ന് ആരംഭിച്ചു താമരശ്ശേരി, കൊയിലാണ്ടി, വടകര എന്നീ താലൂക്കുകളിലൂടെ സ്വീകരണങ്ങൾ ഏറ്റുവാങ്ങിക്കൊണ്ട് കണ്ണൂർ സിവിൽ സ്റ്റേഷനിൽ സമാപിച്ചു. പങ്കാളിത്ത പെൻഷൻ പിൻവലിക്കുന്നതിന് നിയമപരമായി തടസ്സം ഇല്ലാഞ്ഞിട്ടും പങ്കാളിത്ത പെൻഷൻ റിപ്പോർട്ട് പുറത്ത് വിടാത്തതിന് എതിരെയും സർക്കാർ ജീവനക്കാരെ രണ്ടു തട്ടിലാക്കിക്കൊണ്ട് നടപ്പിലാക്കിയ ഈ പദ്ധതി പിൻവലിക്കുക എന്നീ ആവശ്യങ്ങൾ ഉന്നയിച്ചുകൊണ്ട് 2023 ജനുവരി 21ന് സെക്രട്ടറിയേറ്റ് പടിക്കൽ പങ്കാളിത്ത പെൻഷൻ ജീവനക്കാരുടെയും അധ്യാപകരുടെയും സെക്രട്ടറിയേറ്റ് മാർച്ച് വിജയിപ്പിക്കുന്നതിന് വേണ്ടിയുള്ള വാഹന പ്രചരണ ജാഥയിൽ മുഴുവൻ പങ്കാളിത്ത പെൻഷൻകാരും അണിനിരന്നുകൊണ്ട് ഈ വഞ്ചനക്കെതിരെ ശക്തമായി
പൊരുതണമെന്ന് സ്റ്റേറ്റ് എൻ പി എസ് കലക്ടീവ് കേരള കോഴിക്കോട് ജില്ലാ കമ്മിറ്റി പത്രക്കുറിപ്പിൽ ആവശ്യപ്പെടുന്നു.
മതേതരത്വവും ബഹുസ്വരതയും സംരക്ഷിക്കപ്പെടണം
No commentsമതേതരത്വവും ബഹുസ്വരതയും സംരക്ഷിക്കപ്പെടണം
കോഴിക്കോട്:
മതേതരത്വവും ബഹുസ്വരതയും രാജ്യത്തിന്റെ പൈതൃകങ്ങളാണെന്നും അവ സംരക്ഷിക്കപ്പെടണമെന്നും മുജാഹിദ് പത്താം സംസ്ഥാന സമ്മേളനത്തോടനിബന്ധിച്ച് നടന്ന കോഴിക്കോട് സൗത്ത് ജില്ല വളണ്ടിയർ സംഗമം അഭിപ്രായപ്പെട്ടു. രാജ്യത്തിന്റെ ഭരണഘടനയുടെ ആത്മാവ് തന്നെ മതേതരത്വമാണെന്നും അത് സംരക്ഷിക്കാൻ മതേതര ജനാധിപത്യ കൂട്ടായ്മകൾ ശക്തിപ്പെടുത്തണമെന്നും സംഗമം ആവശ്യപ്പെട്ടു. കോഴിക്കോട് മുജാഹിദ് സെന്ററിൽ വെച്ച് നടന്ന വളണ്ടിയർ സംഗമം കെ.എൻ.എം ജില്ല പ്രസിഡണ്ട് സി.മരക്കാരുട്ടി ഉദ്ഘാടനം ചെയ്തു. വളണ്ടിയർ വിംഗ് ചെയർമാൻ അബ്ദുറസാഖ് ചേവായൂർ അധ്യക്ഷനായിരുന്നു.ഹമീദലി അരൂർ, ഷബീർ കൊടിയത്തൂർ, വളപ്പിൽ അബ്ദുസ്സലാം, ശജീർഖാൻ, എം.എം റസാഖ്, ഇ.വി മുസ്തഫ, ഷഫീഖ് കോവൂർ, നാസർ കല്ലായി, കുഞ്ഞഹമ്മദ് എന്നിവർ സംസാരിച്ചു.
സബ്ജില്ലാ,ജില്ല, സംസ്ഥാന മത്സരങ്ങളിൽ വിജയികളായ വിദ്യാർത്ഥികളെ ആദരിച്ചു
No commentsക്രസന്റ് പബ്ലിക് സ്കൂൾ മാവൂർ
പ്രതിഭകളെ ആദരിച്ചു
സബ്ജില്ലാ,ജില്ല, സംസ്ഥാന മത്സരങ്ങളിൽ വിജയികളായ വിദ്യാർത്ഥികളെ ആദരിച്ചു. യു എസ് എസ്,കലാകായിക, പ്രവർത്തി പരിചയ, ഐടി, മേളകളിലെ പ്രതിഭകളെയാണ് ആദരിച്ചത്
മാവൂർ:പൈപ്പ്ലൈൻ മനോമണി നിവാസിൽ ബാലൻ നായർ (86 ) നിര്യാതനായി.
No comments30/11/2022
Wednesday, November 30, 2022മാവൂർ:പൈപ്പ്ലൈൻ മനോമണി നിവാസിൽ
ബാലൻ നായർ (86 ) നിര്യാതനായി.
റിട്ട: ഗ്രാസിം ഫൈബർ ഡിവിഷൻ ജീവനക്കാരൻ.
ഭാര്യ: യശോദ
മക്കൾ: കൃഷദാസൻ (കച്ചവടം)
മനോമണി,
മോഹൻദാസ് (മസ്ക്കറ്റ്)
മരുമക്കൾ:
ഷീല (എസ്. ഒ. എച്ച് എസ്.എസ് അരീക്കോട് )
രാമക്യഷ്ണൻ (മസ്ക്കറ്റ്),
ജയശ്രീ ( യൂണിറ്റിലാബ് കൊടിയത്തൂർ )
വാഴക്കാട് സർവ്വീസ് സഹകരണ ബേങ്ക് ഡയറക്ടർ സജ്ന ഷംസുവിന് സ്വീകരണം നൽകി
No commentsവാഴക്കാട് സർവ്വീസ് സഹകരണ ബേങ്ക് ഡയറക്ടർ സജ്ന ഷംസുവിന് സ്വീകരണം നൽകി
വാഴക്കാട് സർവ്വീസ് സഹകരണ ബേങ്ക് ഡയറക്ടറായിരുന്ന കെ.ടി. അഷ്റഫിൻ്റെ വിയോഗത്തെ തുടർന്ന് ഒഴിവ് വന്ന ഡയറക്ടർ സ്ഥാനത്തേക്ക് കഴിഞ്ഞ പഞ്ചായത്ത് തെരഞ്ഞെടുപ്പിൽ എളമരം വാർഡിൽ UDF സ്ഥാനാർത്ഥിയായി മൽസരിച്ച ശ്രീമതി. സജ്ന ഷംസുവിനെ ഭരണ സമിതി നോമിനേറ്റ് ചെയ്ത് ഡയറക്ടറായി നിയമിച്ചു
ഡയറക്ടർ സ്ഥാനത്തേക്ക് തിരഞ്ഞെടുത്ത ഷജ്ന ഷംസുവിന് ബേങ്കിൽ വെച്ച് നടന്ന ചടങ്ങിൽ DCC മുൻ ജനറൽ സെക്രട്ടറിയും സീനിയർ കോൺഗ്രസ്സ് നേതാവുമായ KMA റഹ്മാൻ ഷാൾ അണിയിച്ചു സ്വീകരിച്ചു
മണ്ഡലം കോൺഗ്രസ്സ് പ്രസിഡണ്ട് ജൈസൽ എളമരം,സർവ്വീസ് ബേങ്ക് പ്രസിഡണ്ട് അഡ്വ: എം.കെ. സി. നൗഷാദ് ,വൈസ് പ്രസിഡണ്ട് കെ.പി. രവീന്ദ്രൻ മാസ്റ്റർ, ഡയറക്ടർ മാരായ മുസ്സക്കുട്ടി, എം.കെ റഷീദ്, പി.സുരേഷ്, അസ്മ, മുംതാസ്, സക്കീന , ബേങ്ക് സെക്രട്ടറി മൻസൂർ,മണ്ഡലം കോൺഗ്രസ്സ് കമ്മറ്റി ജനറൽ സെക്രട്ടറിമാരായ ഷംസുമപ്രം , കെ.ടി. ഷിഹാബ് ,ശ്രീദാസ് വെട്ടത്തൂർ , മണ്ഡലം പ്രതിനിധി അബൂബക്കർ മാസ്റ്റർ കാളൂർ, കർഷക കോൺഗ്രസ്സ്- ദളിത് കോൺഗ്രസ്സ് മണ്ഡലം പ്രസിഡണ്ടുമാരായ അസീസ് എടപ്പെട്ടി, ബാബു എടക്കണ്ടി, വാർഡ് കോൺഗ്രസ്സ് പ്രസിഡണ്ടുമാരായ കെ.ബാലകൃഷ്ണൻ, ബാബു വടക്കേടത്ത്, ബൂത്ത് കോൺഗ്രസ്സ് പ്രസിഡണ്ട് എം.കെ. ഉണ്ണിമോയി, ഷബ്ന ജൈസൽ, ഷംസു പുന്നാട്ടിൽ എന്നിവർ സംബന്ധിച്ചു
പെരുമണ്ണ ഗ്രാമ പഞ്ചായത്ത് കേരളോത്സവം ഫുട്ബോൾ ടൂർണമെന്റിൽ സിൻസിയർ പെരുമണ്ണ ജേതാക്കളായി
No commentsസിൻസിയർ പെരുമണ്ണ ജേതാക്കൾ
പെരുമണ്ണ:
പെരുമണ്ണ ഗ്രാമ പഞ്ചായത്ത് കേരളോത്സവം ഫുട്ബോൾ ടൂർണമെന്റിൽ സിൻസിയർ പെരുമണ്ണ ജേതാക്കളായി.മുപ്പത്തിരണ്ടു ടീമുകൾ മൂന്ന് ദിവസങ്ങളിലായി നടന്ന മത്സരത്തിൽ ന്യൂസോക്കർ അറത്തിൽപറമ്പിനെ 2 ഗോളുകൾക്ക് തോൽപ്പിച്ചാണ് സിൻസിയർ പെരുമണ്ണ ജേതാക്കളായത്.
ഗ്രാമ പഞ്ചായത്ത് പ്രസിഡന്റ് ഷാജി പുത്തലത്ത് വിജയികൾക്കുള്ള ട്രോഫികൾ നൽകി.
യൂത്ത് കോൺഗ്രസ് പെരുമണ്ണ മണ്ഡലം കമ്മിറ്റിയുടെ നേതൃത്വത്തിൽ തെരുവ് വിചാരണ നടത്തി
No comments തെരുവ് വിചാരണ നടത്തി
പെരുമണ്ണ:
യൂത്ത് കോൺഗ്രസ് പെരുമണ്ണ മണ്ഡലം കമ്മിറ്റിയുടെ നേതൃത്വത്തിൽ ദുരിതത്തിലേക്ക് കേരളത്തെ തള്ളിവിടുന്ന കേരള സർക്കാരിന്റെ ജനദ്രോഹ നയങ്ങൾക്കെതിരെ തെരുവ് വിചാരണ നടത്തി.
NSUI ദേശീയ ജനറൽ സെക്രട്ടറി കെ.എം അഭിജിത്ത് പരിപാടി ഉദ്ഘാടനം ചെയ്തു.
KSU കോഴിക്കോട് ജില്ലാ സെക്രട്ടറി സനൂജ് കുരുവട്ടൂർ മുഖ്യപ്രഭാഷണം നടത്തി.
യൂത്ത് കോൺഗ്രസ് മണ്ഡലം പ്രസിഡൻ്റ് രാഗീഷ് എം.കെ. ആദ്യക്ഷതയിൽ നടന്ന പരിപാടിയിൽ മണ്ഡലം യൂത്ത് കോൺഗ്രസ് വൈസ് പ്രസിഡൻ്റ് മുസാഫിർ പി. സ്വാഗതവും ജിബിൻ ദാസ് നന്ദിയുംപ്രകാശിപിച്ചു.
UDF കുന്ദമംഗലം നിയോജക മണ്ഡലം കൺ വീനർ പി. മൊയ്തീൻ മാസ്റ്റർ ,ജില്ലാ യൂത്ത് കോൺഗ്രസ് സെക്രട്ടറി നസീം പെരുമണ്ണ , യൂത്ത് കോൺഗ്രസ് ബ്ലോക്ക് പ്രസിഡണ്ട് സുജിത്ത് കാഞ്ഞോളി, ഡിസിസി മെമ്പർ എ.പി പീതാംബരൻ യൂത്ത് കോൺഗ്രസ് ബ്ലോക്ക് സെക്രട്ടറിമരായ രാജീവ് കെ.പി , ഷെബീബ് അലി, ഷെബീർ, കോൺഗ്രസ് ബ്ലോക്ക് സെക്രട്ടറി രാജേഷ് കെ.സി, സേവദൾ ജില്ല സെക്രട്ടറി മുരളി ചെറുകയിൽ കോൺഗ്രസ് മണ്ഡലം ഭാരാവാഹികളായ, ,രാധാകൃഷ്ണൻ ,ബാലൻ കിഴക്കേതൊടി എന്നിവർ നേതൃത്വം നൽകി.
എയ്ഡഡ് സ്കൂൾ നോൺ ടീച്ചിംഗ് സ്റ്റാഫ് അസോസിയേഷൻറെ മെമ്പർഷിപ്പ് ക്യാമ്പയിൻ തുടക്കമായി
No comments29/11/2022
Tuesday, November 29, 2022എയ്ഡഡ് സ്കൂൾ നോൺ ടീച്ചിംഗ് സ്റ്റാഫ് അസോസിയേഷൻറെ മെമ്പർഷിപ്പ് ക്യാമ്പയിൻ തുടക്കമായി
കോഴിക്കോട്:
കേരള എയ്ഡഡ് സ്കൂൾ നോൺ ടീച്ചിങ് സ്റ്റാഫ് അസോസിയേഷൻ കോഴിക്കോട് ജില്ലാ കമ്മിറ്റിയുടെ നേതൃത്വത്തിൽ മെമ്പർഷിപ്പ് ക്യാമ്പയിൻ ആരംഭിച്ചു. കോഴിക്കോട് സിറ്റിയിലെ വിവിധ സ്കൂളുകളിലായി സന്ദർശനം നടത്തുകയും അവരുടെ പ്രയാസങ്ങളും ബുദ്ധിമുട്ടുകളും കേൾക്കുകയും അതിനുള്ള പരിഹാരം മാർഗങ്ങൾ കണ്ടെത്തുവാനും സാധിച്ചു.
മെമ്പർഷിപ്പ് ക്യാമ്പയിൻ തുടർന്നുകൊണ്ടിരിക്കുകയാണ്.
സി.ഐ.ടി.യു സംസ്ഥാന സമ്മേളനത്തിന്റെ ഭാഗമായി സി.ഐ.ടി.യു മാവൂർ പഞ്ചായത്ത് കുടുംബസംഗമം സംഘടിപ്പിച്ചു
No commentsമാവൂർ: സി.ഐ.ടി.യു സംസ്ഥാന സമ്മേളനത്തിന്റെ ഭാഗമായി സി.ഐ.ടി.യു മാവൂർ പഞ്ചായത്ത് കുടുംബസംഗമം സംഘടിപ്പിച്ചു. മാവൂർ സി.ഐ.ടി.യു ഗ്രൗണ്ടിൽ നടന്ന സംഗമം സി.ഐ.ടി.യു ജില്ല സെക്രട്ടറി പി.കെ. മുകുന്ദൻ ഉദ്ഘാടനം ചെയ്തു. സംഘാടക സമിതി ചെയർമാൻ ഇ.എൻ. പ്രേമനാഥൻ അധ്യക്ഷത വഹിച്ചു. മുതിർന്ന പ്രവർത്തകരെയും നേതാക്കളെയും ആദരിച്ചു. കെ.എം. കുഞ്ഞവറാൻ, വി. രവീന്ദ്രൻ, എം. ധർമജൻ, എന്നിവർ സംസാരിച്ചു. വി.എം. ബാലചന്ദ്രൻ സ്വാഗതം പറഞ്ഞു.
മാവൂർ പാടത്ത് വിളഞ്ഞ നെൽകൃഷിക്ക് ആഘോഷപൂർവ്വം കൊയ്ത്തുത്സവം
No commentsമാവൂർ: മാവൂർ പാടത്ത് വിളഞ്ഞ നെൽകൃഷിക്ക് ആഘോഷപൂർവ്വം കൊയ്ത്തുത്സവം. ഒരേക്കർ സ്ഥലത്ത് വിളയിച്ച മട്ടത്രിവേണി ഇനത്തിൽപ്പെട്ട നെല്ലിൻറെ കൊയ്ത്തുത്സവമാണ് ആഘോഷപൂർവ്വം നടന്നത്. കമ്പളത്ത് വിജയൻ, മതിലകത്ത് പറമ്പിൽ വേലായുധൻ എന്നിവരാണ് കൃഷി ഇറക്കിയത്. ജില്ലാ പഞ്ചായത്ത് അംഗം സുധ കമ്പളത്ത് കൊയ്ത്ത് ഉദ്ഘാടനം ചെയ്തു. ഗ്രാമപഞ്ചായത്ത് അംഗം പുലപ്പാടി ഉമ്മർ മാസ്റ്റർ, കൃഷി ഓഫീസർ ഡോ. ദർശന ദിലീപ്, എൻ.എ. മരക്കാർ ബാവ, ഗിരീഷ് കമ്പളത്ത്, തോൾക്കുഴി വിജയൻ തുടങ്ങിയവർ സംബന്ധിച്ചു.
ഖത്തർ വേൾഡ് കപ്പിനോടൊപ്പം പെരുവയൽ ഗ്രാമപഞ്ചായത്തിലെ ഏഴാം വാർഡും
No commentsഖത്തർ വേൾഡ് കപ്പിനോടൊപ്പം പെരുവയൽ ഗ്രാമപഞ്ചായത്തിലെ ഏഴാം വാർഡും
പെരുവയൽ:
ഖത്തർ വേൾഡ് കപ്പിനോടനുബന്ധിച്ച് പെരുവയൽ ഗ്രാമപഞ്ചായത്തിലെ ഏഴാം വാർഡിൽ സ്ഥാപിച്ച ബിഗ് സ്ക്രീൻ ശ്രദ്ധേയമാകുന്നു.
വാർഡ് മെമ്പർ ഉനൈസ് അരീക്കലിന്റെ നേതൃത്വത്തിലാണ് ഇവിടെ ബിഗ് സ്ക്രീൻ സ്ഥാപിച്ചിട്ടുള്ളത്.
കുറ്റിക്കാട്ടൂർ മണ്ഡലം കോൺഗ്രസ് കമ്മിറ്റിയുടെ നേതൃ ത്തിൽ സി.യു.സി. സംഗമം സംഘടിപ്പിച്ചു.
No commentsസി.യു.സി. സംഗമം സംഘടിപ്പിച്ചു.
കുറ്റിക്കാട്ടൂർ :
കുറ്റിക്കാട്ടൂർ മണ്ഡലം കോൺഗ്രസ് കമ്മിറ്റിയുടെ നേതൃ ത്തിൽ കുറ്റിക്കാട്ടൂർ വ്യാഭാര ഭവനിൽ സംഘടിപ്പിച്ച സി.യു.സി. സംഗമം ഡി.സി.സി. ജനറൽ സെക്രട്ടറി നിജേഷ് അരവിന്ദ് ഉദ്ഘാടനം ചെയ്തു .മണ്ഡലം പ്രസിഡണ്ട് അനീഷ് പാലാട്ട് അധ്യക്ഷത വഹിച്ചു . ഡി.സി.സി. ജനറൽ സെക്രട്ടറി വിനോദ് പടനിലം. മുഖ്യപ്രഭാഷണം നടത്തി. ഡി.സി.സി. മെമ്പർ സി.എം.സദാശിവൻ, രാധ ഹരിദാസ്,മധുര പറമ്പത്ത് മോഹനൻ ,സുധാകരൻ കൊളക്കാടത്ത്, മോഹൻദാസ് എടവല കണ്ടി, അനീഷ് കുമാർ. കെ.പി. പ്രസീദ് കുമാർ.എം. ജിനീഷ് വി.എം.എന്നിവർ സംസാരിച്ചു.
പുതിയ ഫീച്ചറുമായി വാട്സ്ആപ്പ്:വോയിസ് നോട്ടുകളും ഇനി സ്റ്റാറ്റസാക്കാം
No comments28/11/2022
Monday, November 28, 2022പുതിയ ഫീച്ചറുമായി വാട്സ്ആപ്പ്:
വോയിസ് നോട്ടുകളും ഇനി സ്റ്റാറ്റസാക്കാം
വാട്സ്ആപ്പ് യൂസർമാരുടെ ഇഷ്ട ഫീച്ചറാണ് 'സ്റ്റാറ്റസ്'. നിലവിൽ ടെക്സ്റ്റുകളും ചിത്രങ്ങളും വിഡിയോകളും വാട്സ്ആപ്പിൽ സ്റ്റാറ്റസായി വെക്കാനുള്ള ഓപ്ഷനുകളുണ്ട്. എന്നാൽ, പുതിയ അപ്ഡേറ്റിലൂടെ ശബ്ദ സന്ദേശങ്ങളും സ്റ്റാറ്റസ് ആയി വെക്കാനാകുള്ള ഫീച്ചർ കൊണ്ടുവരികയാണ് വാട്സ്ആപ്പ്. പ്രമുഖ വാട്സ്ആപ്പ് ഫീച്ചർ ട്രാക്കറായ WaBetaInfo ആണ് പുതിയ സവിശേഷതയെ കുറിച്ച് സൂചന നൽകിയിരിക്കുന്നത്.
30 സെക്കന്ഡ് ദൈര്ഘ്യമുള്ള വോയിസ് നോട്ടുകളാണ് സ്റ്റാറ്റസ് രൂപത്തില് പങ്കുവെക്കാന് സാധിക്കുക. അതേസമയം, ഒരു ഉപയോക്താവ് തിരഞ്ഞെടുക്കുന്ന ആളുകളുമായി മാത്രമേ വോയ്സ് സ്റ്റാറ്റസ് അപ്ഡേറ്റുകൾ പങ്കിടാൻ സാധിക്കുകയുള്ളൂ. അതിനായി പ്രൈവസി സെറ്റിങ്സിനുള്ളിൽ വെച്ച് കോൺടാക്ടുകൾ തെരഞ്ഞെടുക്കാം. വാട്ട്സ്ആപ്പ് സ്റ്റാറ്റസ് അപ്ഡേറ്റിലേക്ക് പങ്കിടുന്ന വോയ്സ് നോട്ടുകൾ എൻഡ്-ടു-എൻഡ് എൻക്രിപ്റ്റഡ് ആയിരിക്കുമെന്നും റിപ്പോർട്ടിൽ പറയുന്നുണ്ട്.
പുതിയ അപ്ഡേറ്റ് പരീക്ഷണ സ്വഭാവത്തില് വാട്സ്ആപ്പിന്റെ ഐ.ഒ.എസ് ബീറ്റ വേര്ഷനില് പ്രവര്ത്തനത്തിലാണ്. ഈ ഫീച്ചര് പരീക്ഷണ ഘട്ടത്തിലായതിനാല് ഇപ്പോൾ ഉപയോക്താക്കള്ക്ക് ലഭ്യമാകില്ല. വരും ദിവസങ്ങളിൽ യൂസർമാർക്ക് ഈ ഫീച്ചർ അപ്ഡേറ്റുകളിലൂടെ ലഭിച്ചേക്കും.
ജില്ലാ പഞ്ചായത്ത് സമഗ്ര വിദ്യാഭ്യാസപദ്ധതിയായ 'കൃഷിപാഠം' സ്കൂൾതല ഉദ്ഘാടനം
No commentsകൃഷിപാഠം സ്കൂൾതല ഉദ്ഘാടനം
പെരുമണ്ണ :
ജില്ലാ പഞ്ചായത്ത് സമഗ്ര വിദ്യാഭ്യാസപദ്ധതിയായ 'കൃഷിപാഠം' സ്കൂൾതല ഉദ്ഘാടനം പെരുമണ്ണ ഇ.എം.എസ്. ഗവ.ഹയർ സെക്കൻഡറി സ്കൂളിൽ ജില്ലാപഞ്ചായത്തംഗം രാജീവ് പെരുമൺപുറ ഉദ്ഘാടനം ചെയ്തു.
രജിസ്ട്രേഷന് സേവനങ്ങൾ അതിവേഗത്തില് ജനങ്ങളിലെത്തിക്കാനുള്ള ശ്രമമാണ് നടക്കുന്നത്: മന്ത്രി വി. എൻ വാസവൻ.
No commentsരജിസ്ട്രേഷന് സേവനങ്ങൾ അതിവേഗത്തില് ജനങ്ങളിലെത്തിക്കാനുള്ള ശ്രമമാണ് നടക്കുന്നത്:
മന്ത്രി വി. എൻ വാസവൻ.
വിവരസാങ്കേതിക വിദ്യയുടെ അനന്ത സാധ്യതകളെ ഉപയോഗപ്പെടുത്തി രജിസ്ട്രേഷന് സംബന്ധിച്ച എല്ലാ സേവനങ്ങളും അതിവേഗത്തില് ജനങ്ങളിലെത്തിക്കാനുള്ള ശ്രമമാണ് നടപ്പാക്കുന്നതെന്ന് സഹകരണ രജിസ്ട്രേഷൻ സാംസ്കാരിക വകുപ്പ് മന്ത്രി വി. എൻ വാസവൻ. ചാത്തമംഗലം സബ് രജിസ്ട്രാര് ഓഫീസിന്റെ പുതിയ കെട്ടിടം ഉദ്ഘാടനം ചെയ്യുകയായിരുന്നു മന്ത്രി.
ഇടപാടുകാര്ക്ക് അനുകൂലവും ആശ്വാസകരവുമായ പശ്ചാത്തല സൗകര്യമൊരുക്കുകയാണ് രജിസ്ട്രേഷന് വകുപ്പ്. മുന് ആധാരങ്ങള് നഷ്ടപ്പെടാതെ ഏതു നിമിഷവും ലഭ്യമാവുന്ന രീതിയില് ഡിജിറ്റലൈസ് ചെയ്യുന്നത് തുടരുകയാണ്. ചിലയിടങ്ങളിൽ നേരിടുന്ന സെര്വര് പ്രശ്നങ്ങള് പരിഹരിക്കുന്നതിന് നടപടികൾ ആരംഭിച്ചു കഴിഞ്ഞു. പുതിയ നൂതന സാങ്കേതിക വിദ്യകൾ ഉപയോഗപ്പെടുത്തി പൊതുജനങ്ങൾക്ക് സുതാര്യവും കുറ്റമറ്റതും മികവുറ്റതുമായ സേവനങ്ങൾ ഉറപ്പാക്കി മുന്നോട്ടു പോകുമെന്നും മന്ത്രി പറഞ്ഞു.
സംസ്ഥാന ഖജനാവിലേക്ക് വരുമാനമുണ്ടാക്കുന്നതില് വലിയ സ്ഥാനമുള്ള വകുപ്പാണ് രജിസ്ട്രേഷന് വകുപ്പ്. കഴിഞ്ഞ വര്ഷം 4200 കോടി രൂപയാണ് നേടിയത് മുന് വര്ഷത്തേക്കാള് 1200 കോടി രൂപയുടെ അധിക വര്ദ്ധനവാണ് ഉണ്ടായതെന്നും മന്ത്രി പറഞ്ഞു.
കേരള സര്ക്കാരിന്റെ കിഫ്ബി പദ്ധതിയിലുള്പ്പെടുത്തി 1.05 കോടി രൂപ ചെലവിട്ടാണ് പുതിയ കെട്ടിടം നിര്മ്മിച്ചിരിക്കുന്നത്. ചാത്തമംഗലം വില്ലേജില് രജിസ്ട്രേഷന് വകുപ്പിന്റെ കൈവശമുള്ള 44 സെന്റ് സ്ഥലത്ത് 416.63 സ്ക്വയര് മീറ്റര് അളവിലാണ് ആധുനിക സൗകര്യങ്ങളോടു കൂടിയുള്ള പുതിയ കെട്ടിടം നിര്മ്മിച്ചിരിക്കുന്നത്.
ചടങ്ങില് പി.ടി.എ റഹീം എം.എല്.എ അദ്ധ്യക്ഷത വഹിച്ചു. കെ.എസ്.സി.സി
റീജിയണൽ മാനേജർ നീനാ സൂസൻ പുന്നൻ റിപ്പോർട്ട് അവതരിപ്പിച്ചു.
കുന്ദമംഗലം ബ്ലോക്ക് പഞ്ചായത്ത് പ്രസിഡന്റ് ബാബു നെല്ലുളി, ചാത്തമംഗലം ഗ്രാമപഞ്ചായത്ത് പ്രസിഡന്റ് ഓളിക്കൽ ഗഫൂർ, വൈസ് പ്രസിഡന്റ് എം.സുഷമ, ജില്ലാ പഞ്ചായത്ത് മെമ്പർമാരായ മുക്കം മുഹമ്മദ്, സുധ കമ്പളത്ത്, കുന്ദമംഗലം ബ്ലോക്ക് പഞ്ചായത്ത് മെമ്പർ പി.ശിവദാസൻ നായർ, ചാത്തമംഗലം ഗ്രാമപഞ്ചായത്ത് മെമ്പർ എം.കെ അജീഷ്, പി ഷൈപു, ചൂലൂർ നാരായണൻ, ഖാലിദ് കിളിമുണ്ട, ടി വേലായുധൻ, ടി ചക്രായുധൻ, രാജൻ മാമ്പറ്റച്ചാലിൽ, എ.പി ഭക്തോത്തമൻ, കെ അബ്ദുറഹിമാൻ ഹാജി, സി.കെ ഷമീം, ഇ സുരേന്ദ്രൻ സംസാരിച്ചു. ഉത്തരമേഖല രജിസ്ട്രേഷൻ ഡെപ്യൂട്ടി ഇൻസ്പെക്ടർ ജനറൽ കെ. സി മധു സ്വാഗതവും ജില്ലാ രജിസ്ട്രാർ കെ ശ്രീനിവാസൻ നന്ദിയും പറഞ്ഞു.
Subscribe to:
Posts (Atom)