കൊല്ലത്ത് കോളേജ് ഹോസ്റ്റലില് വിദ്യാര്ഥിനി തൂങ്ങിമരിച്ച നിലയിൽ
പോളയത്തോട്ടിൽ കോളേജ് ഹോസ്റ്റലിൽ വിദ്യാർഥിനിയെ തൂങ്ങിമരിച്ച നിലയിൽ കണ്ടെത്തി. കടക്കൽ ചിതറ സ്വദേശിനി ശ്രീലക്ഷ്മിയാണ് മരിച്ചത്. മരണ കാരണം സംബന്ധിച്ച് ഔദ്യോഗിക വിശദീകരണം വന്നിട്ടില്ല.
പോളയത്തോട്ടിൽ പ്രവർത്തിക്കുന്ന എസ്.എൻ.ഡി സദനം എയർഹോസ്റ്റസ് ട്രെയിനിങ് ഇൻസ്റ്റിറ്റ്യൂട്ടിന്റെ ഹോസ്റ്റലിലാണ് 19 വയസുകാരിയായ പെൺകുട്ടിയെ തൂങ്ങിമരിച്ച നിലയിൽ കണ്ടെത്തിയത്. ഇന്ന് പുലർച്ചെ മുറി തുറക്കാത്തതിനെ തുടർന്ന് ഹോസ്റ്റൽ ജീവനക്കാർ നടത്തിയ പരിശോധനയിലാണ് വിദ്യാർഥിനിയെ ഫാനിൽ തൂങ്ങിമരിച്ച നിലയിൽ കണ്ടെത്തിയത്.
ഉടൻ തന്നെ പോലീസിനെ വിവരം അറിയിച്ചു. പോലീസെത്തി ഇൻക്വസ്റ്റ് നടപടികൾ പൂർത്തിയാക്കി മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മൃതദേഹം മാറ്റി.
പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും. കുട്ടിയുടെ ബന്ധുക്കൾ, രക്ഷിതാക്കൾ, സുഹൃത്തുക്കൾ എന്നിവരിൽ നിന്ന് പോലീസ് മൊഴി രേഖപ്പെടുത്തി.
