കാലവര്ഷം വൈകും; കേരളത്തില് എത്തുന്നത് എട്ടിന്
തിരുവനന്തപുരം: കേരളത്തില് കാലവര്ഷമെത്താന് രണ്ട് ദിവസം കൂടി വൈകിയേക്കുമെന്ന് കാലാവസ്ഥാ വകുപ്പ്. നിലവിലെ സാഹചര്യത്തില് ഈ മാസം എട്ട് മുതല് കാലവര്ഷം തുടങ്ങാനാണു സാധ്യതയെന്നും റിപ്പോര്ട്ടുകള് വ്യക്തമാക്കുന്നു. നാളെ മഴ തുടങ്ങുമെന്നായിരുന്നു നേരത്തയുണ്ടായിരുന്ന അറിയിപ്പ്.
കാലവര്ഷം ശ്രീലങ്കയുടെ തെക്കന് ഭാഗത്തെത്തിയിട്ടു മൂന്ന് ദിവസമായി. സാധാരണ നിലയ്ക്ക് രണ്ട് ദിവസത്തിനകം കേരളത്തിലെത്തേണ്ടതാണ്.
അറബിക്കടലിന്റെ പടിഞ്ഞാറു ഭാഗത്തുണ്ടായ ന്യൂനമര്ദ്ദമാണ് ഇതിനെ തടയുന്നത്. രണ്ട് ദിവസത്തിനകം ലക്ഷദ്വീപ് ഭാഗത്തു രൂപം കൊള്ളാനിടയുള്ള അന്തരീക്ഷച്ചുഴി കാലവര്ഷക്കാറ്റിനെ കേരളത്തോട് അടുപ്പിക്കുമെന്നും കാലാവസ്ഥാ വിദഗ്ധര് വിലയിരുത്തുന്നു.
കേരളത്തില് ജൂണ് അഞ്ച് വരെയൊക്കെ കാലവര്ഷം വൈകുന്നതു പതിവാണ്. പക്ഷേ അടുത്തൊന്നും ഇത്രയും വൈകിയിട്ടില്ല. നേരത്തെ 1972ല് ജൂണ് 18 നാണ് കാലവര്ഷം തുടങ്ങിയത്. 1918, 1955 വര്ഷങ്ങളില് ജൂണ് 11നായിരുന്നു മഴയുടെ തുടക്കം.
