നാട്ടുകാരെ അത്ഭുതപ്പെടുത്തി ഭിക്ഷാടകന്,, ക്ഷേത്രത്തിന് സംഭാവനയായി നല്കിയത് മൂന്നരലക്ഷം രൂപ
ശ്രാകാകുലം: ക്ഷേത്ര നിര്മ്മാണത്തിനായി ഭിക്ഷക്കാരന് നല്കിയ സംഭാവന കണ്ട് ഞെട്ടിയിരിക്കുകയാണ് പ്രദേശവാസികള്. മൂന്നര ലക്ഷം രൂപയാണ് കാമരാജ് എന്ന അറുപത് കാരനായ ഭിക്ഷക്കാരന് ക്ഷേത്ര നിര്മ്മാണത്തിനായി നല്കിയത്. ആന്ധ്രാപ്രദേശിലെ ശ്രീകാകുലം ജില്ലയിലാണ് സംഭവം. തന്റെ ജോലി മികച്ച രീതിയില് പോകുന്നതിനാലാണ് ക്ഷേത്രത്തിന് സംഭാവന ചെയ്യുന്നതെന്നാണ് കാമരാജ് പറഞ്ഞത്. ഭാവിയിലും ക്ഷേത്രത്തിന് സംഭാവന നല്കുമെന്നും ഇയാള് പറയുന്നു.
അതേസമയം, ഇയാള് പൂര്ണമായും ഒരു യാചകനല്ല. കുടുംബവും ഭൂമിയുമെല്ലാം കാമരാജിനുണ്ട്. എന്നാല്, കുറച്ചു വര്ഷങ്ങള്ക്ക് മുമ്പ് ഇയാള്ക്ക് ഒരു സ്ഫോടനത്തില് ഇരു കാലുകളും നഷ്ടപ്പെട്ടു. തുടര്ന്നാണ് കാമരാജ് ഭിക്ഷ യാചിക്കാന് തുടങ്ങിയത്. സര്ക്കാരില് നിന്ന് 2000 രൂപ പെന്ഷനും കാമരാജിന് ലഭിക്കുന്നുണ്ട്.
