ഹെവൻസ് പ്രി സ്കൂൾ പ്രവേശനോദ്ഘാടനം
വർത്തമാനകാലത്ത് ചെറുപ്രായത്തിൽ തന്നെ കുട്ടികൾക്ക് ധാർമ്മിക വിദ്യാഭ്യാസം നൽകേണ്ടത് അത്യാവശ്യമാണെന്നും എങ്കിൽ മാത്രമേ ഭാവി തലമുറ നൻമയുള്ള സമൂഹമായി മാറുകയുള്ളൂ എന്നും ജമാഅത്തെ ഇസ്ലാമി മേഖല പ്രസിഡണ്ട് വി പി ബഷീർ അഭിപ്രായപ്പെട്ടു. കുന്ദമംഗലത്ത് ഹെവൻസ് പ്രി സ്കൂൾ പ്രവേശനോദ്ഘാടനം നിർവഹിച്ച് സംസാരിക്കുകയായിരുന്നു അദേഹം.
മാക്കൂട്ടം ചാരിറ്റബിൾ ആൻഡ് ട്രസ്റ്റ് വൈസ് ചെയർമാൻ സി. അബ്ദുൽ ഹഖ് അധ്യക്ഷത വഹിച്ചു. ജമാഅത്തെ ഇസ്ലാമി പ്രാദേശിക അമീർ പി.പി. നിസാർ, എൻ.കെ. ഹുസ്സൈൻ, എം.പി. ഫാസിൽ മാസ്റ്റർ തുടങ്ങിയവർ സംസാരിച്ചു. ട്രസ്റ്റ് ട്രഷറർ എം.കെ. സുബൈർ, എൻ. ദാനിഷ് തുടങ്ങിയവർ നേതൃത്വം നൽകി. ഹെവൻസ് പ്രിൻസിപ്പാൾ ശരീഫ സ്വാഗതവും ട്രസ്റ്റ് സെക്രട്ടറി ആലി ആനപ്പാറ നന്ദിയും പറഞ്ഞു.
