ഇന്ധന വിലവർധനവിൽ പ്രതിഷേധിച്ച് മാവൂർ പഞ്ചായത്ത് യൂത്ത് ലീഗ് കമ്മിറ്റി സൈക്കിൾ യാത്ര സംഘടിപ്പിച്ചു.
𝐏𝐭𝐯𝟐𝟒𝐥𝐢𝐯𝐞 𝐎𝐧𝐥𝐢𝐧𝐞 𝐌𝐞𝐝𝐢𝐚
👁️🗨️17-06-2021
മാവൂർ:
അടിക്കടി ഉയരുന്ന ഡീസൽ - പെട്രോൾ വില വർധനവ് നിയന്ത്രിക്കാൻ കേന്ദ്രസർക്കാർ തയ്യാറാകണമെന്ന് ആവശ്യപ്പെട്ടുകൊണ്ട് മാവൂർ പഞ്ചായത്ത് യൂത്ത് ലീഗ് കമ്മിറ്റി സൈക്കിൾ യാത്ര സംഘടിപ്പിച്ചു.
ജില്ലാ യൂത്ത് ലീഗ് കമ്മിറ്റി ആഹ്വാനം ചെയ്ത പ്രതിഷേധ സമരത്തിന്റെ ഭാഗമായാണ് പരിപാടി സംഘടിപ്പിച്ചത്. യൂത്ത് ലീഗ് ജനറൽ സെക്രട്ടറി ഹബീബ് ചെറുപ്പ അധ്യക്ഷത വഹിച്ചു. യൂത്ത് ലീഗ് ജില്ലാ സെക്രട്ടറി ഒ.എം നൗഷാദ് ഉദ്ഘാടനം ചെയ്തു.
ജനങ്ങളുടെ ജീവിത ചെലവ് വളരെയേറെ വർദ്ധിക്കാൻ കാരണമാകുന്ന ഇന്ധന വിലവർദ്ധനവ് ഒഴിവാക്കാൻ കേന്ദ്ര സംസ്ഥാന ഭരണകൂടം തയ്യാറാകണമെന്നും കേന്ദ്ര സംസ്ഥാന സർക്കാറുകൾ നികുതി കുറച്ച് വില നിയന്ത്രണത്തിന് മുന്നോട്ടുവരണമെന്നും നൗഷാദ് ആവശ്യപ്പെട്ടു.
ജനങ്ങളെ ദുരിതത്തിൽ നിന്നും ദുരിതത്തിലേക്ക് തള്ളി വിടുമ്പോൾ ആശ്വാസം നൽകേണ്ട ഭരണകൂടം മുഖംതിരിഞ്ഞു കോർപ്പറേറ്റുകളെ സഹായിക്കുന്ന നടപടി അംഗീകരിക്കാൻ പറ്റില്ല. വിലവർധനവിനെതിരെ യുള്ള ജനകീയ പ്രതിഷേധങ്ങൾ വഴിതിരിച്ചുവിടാൻ വൈകാരിക വിഷയങ്ങൾ കൊണ്ട് വരുന്ന കാഴ്ചയാണ് കാണുന്നത്. ഇന്ധന വില വർദ്ധന പോലുള്ള ജനകീയ പ്രശ്നങ്ങളിലുള്ള പ്രതിഷേധം തുടർന്നുകൊണ്ടുപോകാൻ യൂത്ത് ലീഗ് മുന്നിൽ ഉണ്ടാവുമെന്നും ഉദ്ഘാടന പ്രസംഗത്തിൽ ഒ എം നൗഷാദ് സൂചിപ്പിച്ചു.
ഷെരീഫ് സ്വാഗതവും മാവൂർ ടൗൺ യൂത്ത് ലീഗ് സെക്രട്ടറി മിഥിലാജ് നന്ദിയും പറഞ്ഞു
