മുന്നോട്ടുള്ള ചൂവട് വളരെ കരുതലോടെ യാവണം
പ്രതിസന്ധികൾക്കിടയിലൂടെയാണ് ഓരോ മനുഷ്യരും ജീവിച്ചു കൊണ്ടിരിക്കുന്നത്.
ഒരു ഭാഗത്ത് കോവിഡ് മഹാമാരിയും
മറ്റൊരു ഭാഗത്ത് ശക്തിയായ മഴയും പെയ്യുന്നത് കൊണ്ട് തന്നെ വെള്ളം ഏത് നിമിഷവും വീടിനുള്ളിൽ കയറാം എന്ന ഭയവും.
പ്രതിസന്ധികളാണ് മനുഷ്യനെ അതിജീവിക്കാനുള്ള ശക്തിയും ധൈര്യവും നൽകുന്നത്.
കോഴിക്കോട് വലിയങ്ങാടിയിൽ ചുമട് എടുക്കുന്നവരെ നാം കണ്ടിട്ടില്ലേ.....
വളരെ പ്രയാസം നിറഞ്ഞ രീതിയിലാണ് അവരുടെ കാൽവെപ്പ്.
കോഴിക്കോട്ടെ അങ്ങാടിയിലൂടെ ഭാരം ചുമന്ന് റാലി വലിക്കുന്നവനെയും ചുമട് എടുക്കുന്നവരെയും ഞാൻ പലപ്പോഴും നോക്കി നിൽക്കാറുണ്ട്.
സ്വന്തം മക്കളെയും കുടുംബത്തെയും യാതൊരുവിധത്തിലുള്ള പോറലും ഏൽക്കാതെ ഭദ്രതയോടു കൂടി ജീവിതം തള്ളിനിൽക്കാൻ അവരവരുടെ ജീവിതവുമായി മുന്നോട്ടു നീങ്ങുകയാണ്....
സഞ്ചരിച്ച ദൂരത്തേക്കാൾ പ്രധാനമാണ്
സഞ്ചരിക്കാനുള്ള ദൂരം.
ഉപേക്ഷിക്കപ്പെടേണ്ടതല്ല
നാം കണ്ട സ്വപ്നങ്ങളൊന്നും.
പിന്നിലുള്ള ആളുകളുടെ എണ്ണമല്ല,
മുന്നിലുള്ള സ്വപ്നത്തിന്റെ തീവ്രതയാണ്
കാലുകൾക്ക് കരുത്ത് പകരേണ്ടത്...
ഫൈസൽ പെരുവയൽ
